لعبة الشوق !!!

طابت أوقاتكم أين ما كنتم

يا قصيدي تزهب دامني غنيت=
وسع لخاطري يا حلو طاروقي=
داخل الصدر ونة كنها عفريت=
هزت ضلوعي اللي فوق معلوقي=
من ضحى في نهار السبت لين أمسيت=
كن صدري على الأنفاس مطبوقي=
أتبع الونة الونة ولو أزريت=
الخلل بان في صوتي ومنطوقي=
كلها منك ياللي كل ما دقيت=
اتصالي يضيع بدون مافوقي=
لو مرة على الجوال ما رديت=
ليش هذا التغلي يا نظر موقي=
وأنت تدري بحالي كل ما صديت=
أشعر الدم بالشريان محروقي=
هات عذرك تراني حي مثل الميت=
بين يأس ورجا ماني بمسبوقي=
عل عذرك يسكت خاطري تسكيت=
لو الأعذار ما هي مطفية شوقي=
تشتعل من سنين وكل ما هديت=
لعبة الشوق فاح الدم بعروقي=
عز حالي ليا مني قهر ونيت=
كن ثقل السما مطروحةٍ(ن)فوقي=
ضاع عمري وعمرك بين كيف وليت=
ما مضى من زمن ماهو بملحوقي=
حلو الأيام في حبك تراي أفنيت=
يا بعد كل خلاني ويا ذوقي=
القصائد على شأنك ليا غنيت=
وسع لخاطري حبك وطاروقي=

صح لسانك واعتلا شانك


تقبل التحية

صح لسانك ولا هنت ابدااااااع لا يستغرب

دائما متميز صح لسانك


تقبل التحية

رووووعة تسلم الايادي والذوق شاعرنا المبدع

صح بوحك شاعرنا روووووعة ربي يسعدك

صح لسانك مدد ماهو عدد


تقبل التحية

بدعت كعادتك


صح لسااااااانك

متألق صح لسااااااااااااااااااااااانك

صح لسانك وفيت وكفيت لا هنت ابدااااع