طابت أوقاتكم بالخير والمسرات أين ما كنتم
الليلة الصدر يا ساتر بجوفه هروج=هرجة مصدر بها وأخرى مورد بها
والنفس في كل وجهة مع هروجه تموج=الصدر والهاجس المجنون يلعبها
يا نفس توبي ترى الأحلام لطام موج=يرمي بنا في بحورٍ(ن)مات من طبها
كافي من الوقت ما شفتي صفاه وعجوج=أيام راحت والأخرى ماشية دربها
لا تهلكي خافقٍ(ن)خلف الحنايا يلوج=لعل ينسى لناسٍ(ن)مهتوي قربها
قالت يا جابر تحجج وأنت حيل محجوج=النفس تتبع هواك النفس وش ذنبها
لولاك قربتها من نور حلو الدعوج=ما كان ذاقت جحيمٍ(ن)بالحشا شبها
ضيعني المترف اللي حط كحلة وروج=النفس وشلون تقوى صد من حبها
يا عل روحك فديا للعوب الغنوج=والله ما توب عنها علة وطبها
القرب من روح روحك نار وإلا مروج=لا ترتجي غيرها لو العنا هبها
دام المشاعر تمناها براسك تدوج=حطم قيود الليالي واقهر لغلبها
بادر بسج العزيمة لا تسوف نهوج=الحق بقايا حلومٍ(ن)مقفيٍ(ن)ركبها
قدام تقفل على الأحلام جوف الدروج=الدرب واضح مساره انهض وذبها
الليلة الشعر يقرأ للبخت بالبروج=والنفس تشكي مواجعها على ربها
مشغول بالي بهرج وماتفيد الهروج=هرجة مصدر بها وأخرى مورد بها
التميز
الإهداءات
كحلة وروج !!!
رد: كحلة وروج !!!
