طبت لياليكم وأيامكم
اليكم الأبيات مثل ما جات
ياكريم العطا يا رازق المخلوق=أنت تعلم بما شفته وما جاني
ليتني عصر ما طبيت وسط السوق=كان قلبي سلم من شوفة أعياني
شفت لي واحد ٍ(ن)يشبه رفيع الذوق=صاحب ٍ(ن)مستحيل أظن ينساني
حرك الشوق في قلب ٍ(ن)حرقه الشوق=وانحرق من حرارة قلبي لساني
قمت اهوجس وادندن وابتدأ طاروق=نازعه هاجسي من جوف شرياني
افتكرت الوليف العاشق المعشوق=وافتكرت لظروف البعد تحداني
من سنينٍ(ن)طويلة خافقي مسروق=سارقه من تربع جوف وجداني
آه من لهف عشقي حرق المعلوق=وأمطرت من عيوني غر الأمزاني
يا وليف المشاعر خافقي محروق=من غرامك قوي الصبر يعصاني
حالى النوم كم لي يا غلا ما أذوق=كل ما جئيت أنام الفكر سراني
صوب دار الوليف اللي سكنه شروق=موطني موطنه والعشق ميداني
يا خدين الغرام الصدر فيه ضيوق=عانها عانها ترقص مع الحاني
ليت حظي يجيبك وأنتبه وأفوق=من جنون المحبة واهجر جناني
مير حظي بلاني زاد عوقي عوق=كل ما جئت اجي لك حطم أركاني
وأنت يا تاج عشقي فوق راسي فوق=ما نسيتك سنين وطول الأزماني
أتمنى تجيني والفؤاد يروق=يا بعد كل صدقاني وخلاني
يا بديع المحاسن راقي المنطوق=ودي بشوفتك لكن ما أمداني
الزمن والمسافة محكمة للطوق=ما قدرت اكسر قيودٍ(ن)تبلاني
ليت حلمي تحقق وأزرعك بالموق=لو تحقق حلومي زانت أزماني
ياكريم العطا يا رازق المخلوق=أنت تعلم بما شفته وما جاني
التميز
الإهداءات
ليتني عصر ما طبيت وسط السوق !!!
رد: ليتني عصر ما طبيت وسط السوق !!!
