الحال ينقص والمتاعب تزودي !!!

طابت أوقاتكم أينما كنتم

يا صاحبي ياللي مثل شرقة الضي=عساك سالم يا مهيض وجودي
أفرح بشوفك مثل عطشان بالمي=وإن غبت صارت بيض الأيام سودي
ودي بقربك مير حظي معيي=كنه وضع بيني وبينك حدودي
صب القهر في خافقي وإنكوى كي=كيً(ن)عليه أبيات شعري شهودي
لا عاد تنشدني عن الحال يا خي=الحال ينقص والمتاعب تزودي
أبشرك لا زلت يا صاحبي حي=لكن ما تعجب صديقي جهودي
أسارق الهوجاس وشويه شوي=عل الزمن يكسر شديد القيودي
ولو كانها بيدي كسرت بيدي=سلاسل الحرمان يا أم النهودي
لين أرتوى وأرويك من صافي الري=وأرتاح من هم السهرر والجمودي
هواك فيني يا هوى البال مبطي=لكن ما بيحت عشق السدودي
أعوام عشقي يطوي أحلامنا طي=واليوم أنا وإياك صرنا قعودي
ما بين شمس وفيً نحيا بلا فيً=لكن مدري وش نهاية صمودي
الشوق يلوي يا غلا هاجسي لي=والحظ حبله بالظروف معقودي
العمر يمضي ما كسبنا ولا شي=مغير وناتٍ(ن)تصح الرقودي
ولى زمان الصبر والجهد والغي=ما باقي إلا يابسات الزهودي
الخاتمة الحظ لا من غدى سي=يتعب ويمحق طيبات الفيودي
يا صاحبي ياللي مثل شرقة الضي=عساك سالم يا مهيض وجودي

صح لساااانك ابدااااع


موفق

ممتاز صح لساااااااااااااانك

صح لسانك ابدعت كعادتك

تقبل التحية

صح لسانك استاذ الشعر راااااائع

صح بوحك شاعرنا ربي يسعدك خالص ودي

صح لسانك ملياااااااار ولا يكفي

صح لسااااانك

تقبا اعجابي

صح لسانك واعتلا شأنك روعاتك استاذ الشعر

الله الله

صح لسااااااااااااانك