طاب ليلكم
ياليل لا تزعج الخاطر يطير لذة النوم=النوم لو طار من عيني ترى صعبٍ(ن)رجوعه
تعبت أسامر نجومك وأتمنى تصدق حلوم=ما فيه شيءٍ(ن)تحقق والعمر شانت طبوعه
أيام وأعوام قلبي دافنه في جمر وهموم=يا ليل هم الزمن ما عادني عارف بنوعه
حتى قوافي قصيدي شفتها يا ليل بتصوم=ما عاد فكري يساعد خافقي ويشل روعه
أعول عويل اليتيم اللي من البيين محروم=ماله صديقٍ(ن)يريح خاطره حتى دموعه
لا من ذكرت الزمان اللي مضى عاودني السوم=سومٍ(ن)على الكبد كنه سم ما تهدأ وجوعه
أون ون الجريح اللي تهاوت فوقه سهوم=مدري صياح الرضيع اللي بعد ما أكمل سبوعه
ودي يعود زمان أول وفوقه حبة خشوم=لكن يا حر قلبي ما دفن صعبٍ(ن)طلوعه
روح زمان الشباب اللي من أول مده عزوم=ما باقي إلا حسايف في حشا حرق ضلوعه
إن قلت مسموم ياليلي تراني صح مسموم=مسموم من وقتي اللي حطني ضمن بيوعه
ياليت وقتي تقنع وإكتفى بأنصاف و رسوم=لكن وقتي خذاني والشباب اطفأ شموعه
ياليل لا تزعج الخاطر يطير لذة النوم=النوم لو طار من عيني ترى صعبٍ(ن)رجوعه
التميز
الإهداءات
أيام وأعوام قلبي دافنه في جمر وهموم !!!
رد: أيام وأعوام قلبي دافنه في جمر وهموم !!!
