كذاب منهو يقول الزين ما يكمل !!!

طابت أوقاتكم

يا بنت يا بنت ياللي طبعها راق لي=
يا درة الحسن كله في بلاد العرب=
لو كان مذهبك ماهو مذهب الحنبلي=
مذهب هوانا درسته بأمهات الكتب=
مذكور في شعر قيس وكنه امفصلي=
عليك مدري عليًه بالوفا والأدب=
يا سيدة جنس حواء تقطعي تأصلي=
مزيونةٍ(ن)بالوصف وعالية بالنسب=
كذاب منهو يقول الزين ما يكملي=
إلا كمل فيك من كل العجائب عجب=
لولاك درة زمانك ما نسيت لهلي=
العقل منك انجذب والقلب فيك انجذب=
جئتك وكلي غرام من أخري لأولي=
النار نارك وأنا يا بنت جمر وحطب=
سوي بنا ما تريدي وإحطبي وإشعلي=
ماني محاسبك وإلا لايمك بالسبب=
دامي رضيتك غرام بدون ما تسألي=
اللي تريدين سوي لا يعيزك طلب=
هواك نعمة حياة وعل ما ينجلي=
أعذب من المي وأحلى من ثمار العنب=
مره حلاوة تريح خافقٍ(ن)ممتلي=
من زود شوقه كما جمر الغضا ملتهب=
القلب في سجن حبك دايم مسلسلي=
محال تطلق قيوده بالرضا والغصب=
يا جنة العشق حبك خافقي غلغلي=
تخيرك دون كل البيض حب وطرب=
يا بنت هذا نصيب العمر لا تعذلي=
ما عاد يجدي ملام ولا يفيد الغضب=
الشوق خلا فؤادي كنه المرجلي(1)=
الدم يغلي وحرًق للحم والعصب=
يا بنت يا بنت ياللي طبعها راق لي=
يا درة الحسن كله في بلاد العرب=

........
1-القدر

صح لسانك واعتلا شانك


تقبل التحية

صح لسانك واعتلا شأنك ابدعت وامتعت


تقبل التحية

رائعة من روائعك


صح لسااااااااااانك

ابدااااااااااااع


صح لسااااااااااانك

الله الله


ابداع صح لسانك ولا هنت

صح لسانك واعتلا شانك لا هنت ابدعت

صح لسانك مدد ماهو عدد


تقبل التحية

صح بوحك استاذ الشعر رووووعة

صح لساااااانك ابداااااع لله درك