هذه القصيده رد على قصيدة جابر المرسله الينا والمدرجه بالقسم تحت عنوان
عنود الغيد انا من بعد ما غبتي هجرت الغيد
هلا يا حر مرقب بالوكر مبدا الهداد انهـــوض=ومــن لاقــل جنحــانه فـلا فـاده عمـر او زيــد
وفات الفوت يابو زيد مابه وردة(ن) بالحوض=ودرب الريم ما يصعب عليكم في طـوال الميـد
وانا عارفك قصراً شامخاً مابني فوق انقـوض=لكن احسب حساب الدرب مادون المهـا تمهيد
تراصيد المها يبغا مطــارد بالقنـص وركـوض=ومشغل طول عمـرك مـايطيعك لو بغيت تهيـد
وفكــر ثـم قـرر بالبــراري كـم بهـا مرمــوض=من اسباب المطارد بالفيـافي والشموس تكيـد
ليــا منــك فتـلت الـرأي ماجاء رأينا منقــوض=معك في طرقتك وتحصلـوا مـن غيرنـا تــأييد
وانا عارفـك بنكـاً مايــدور من بنــوك قـروض=وجــرب مــانقولــه ثـم تــاجد للفعــل تــأكيــد
ليا منك نويت الجو فأحـرار الصقــور اتعوض=حــزامك بالمــواقـف مــاتخـاذل مـاتبـا تجنيـد
وكان القنص عبر البر ماعندي خيول اربوض=تجد فـارس مـدرب للمطـارد و الجـواد ايجيد
وكان امطـارده بالبحـر حنـا للبحـور انخــوض=ودون الموجبه من مات قالو باللزوم اشهيـد
وتبشر بالعنـود الي طلبتـه بالجمـر منجــوض=ليـا جـات الحقـائـق ما بهــا لفـه ولا تبــريـد
على ناراً تلهب تاجده وسط الجمر مقضـوض=لكـن المشكلــه راع المهــاه الـي فقــد للديـد
بعد كثر الغلا وسط الثماري والعدود افيـوض=تـوقع رد فعــلاً بالقسـا عــودً وصـار اعويد
هلا ياحر مرقب بالوكر مبدا الهـداد انهــوض=ومـن لاقـل جنحـانه فـلا فـاده عمـر او زيــد
شاعر نجد
التميز
الإهداءات
رد على قصيدة عنود الغيد
