الأبيات ما تحتاج مقدمات
لو تغيبي ساعةٍ(ن)وحدة بعيني الف عام=حيثك أغلى من حياتي يا بعد كل الحياه
كاملة ومكملة عداك يا حب الملام=يا نظر عيني ونبضي فرحة العمر وهناه
والله إني أعشقك واهواك ما فيها كلام=وأذكرك وأشتاق لك وأنا بتسبيح الصلاه
وإن خطر لي طيفك الساحر بليلي ما بنام=أتسلى معه ليلي يا حلا ليلي معاه
يشرق الليل بحضوره ما بحسك ياظلام=كن بدر الليل ياخذ من بها نوره ضياه
كيف عاد الأصل لو يحضر على الكل السلام=هو غناة الروح ما غيره بذا الدنيا غناه
أعشقه عشقٍ(ن)يفوق الوصف ويفوق الحلام=ليت عمري ينقضي كله بساعاته معاه
يا وليف العمر يا سر المشاعر للغرام=فيك سحر وفيك سرٍ(ن)خافقي نبضه قراه
يفرح الخاطر بقربك والبعاد أكبر حرام=آه في قربك حبيبي ومن بعادك الفٍ(ن) آه
ما تحمل منك عتب ولا تحمل للملام=منيتي في دنيتي أجيب للغالي رضاه
يا حياتي يا مناتي يا بعد كل الأنام=اعذريني كان شعري ما تريدينه غواه
أنت أكبر في عيوني من قصيد ومن علام=كل معنى حلو يأخذ من تواصيفك بهاه
بالحضور وبالغياب وبالمكانة والمقام=ما ترك سيد المشاعر شيء من حسنه وراه
النهاية من محبك والوصية بالختام=لا تغيبي والغلا ماهو بحاجة للوصاه
بس لو غبتي لساعة وحدة بالفين عام=حيثك أغلى من حياتي يا بعد كل الحياه
التميز
الإهداءات
أنت أكبر في عيوني من قصيد ومن علام !!!
رد: أنت أكبر في عيوني من قصيد ومن علام !!!
