مجاراتي لقصيدة ترايع الشوق
للشاعر عبدالله سعد الجعيداني
هيضني الشاعر اللي ما ترك لي وسام=أعلقه فوق صدر اللي تعاليلها
تبري جروح المحبة من طعون السهام=اللي رمتها عليًه من مكاحيلها
لن حولت بالمنصة فض عنها الزحام=وقامت تلاعب لغرتها مناديلها
تمايلي خيزرانه كن ما بك عظام=خلي كبود العواذل تبتلع غيلها
يا غصن ريحان مدري ياغصين البشام=ما دورت يوم عند الناس تجميلها
ما كنها غير بدر الليل يجلي ظلام=ويل الجميلات منها ويلها ويلها
يا ماخذه للجمال اليوسفي بالزمام=ماتأصل البيض ربعٍ(ن)من مواصيلها
تربعي فوق عرش الحسن يأم الوشام=البيض بيديك يكفي بس تومي لها
يادرة الحسن من يهواك ماهو ملام=البيض من بعد حسنك بس يا حليلها
يالجادل اللي وصوفك فوق ذروة سنام=يامبهرة للعقول ومتعبه قيلـها
الناس تحكي تقول الجادل أم الزمام=سحابةٍ(ن)بالمفاتن منحدر سيلها
محال يجي كماها بالوفا والتمام=الجادل اللي جميع الحسن صافي لها
ما جاء كماها جنوب ولا كماها بشام=الشعر يطرب ليا جاوب مراسيلها
الشيخ لن شافها يصبي ويرجع غلام=والزاهد العابد بدنياه يصبي لها
عذبتني في غرامك يا فراخ الحمام=الروح في سجن حبك طال تكبيلها
حبك مع النبض بعروق الحشا مستدام=لولاه عذب القوافي عفت ترتيلها
عذب القصائد تراقص لك علي الحرام=ما قلتها غير فيك ولأجلك أشيلها
ياكيف عشق المولع من سنين الفطام=نظمت فيك القصائد مع مواويلاها
لكن طال إنتظاري عام يتبعه عام=الروح من زود صبري طافحٍ(ن)كيلها
واليوم ذكرني الشاعر وقافه تمام=شكى مشاعره لأبياته وأنا أشكي لها
التميز
الإهداءات
تمايلي خيزرانة !!!
رد: تمايلي خيزرانة !!!
