العيون من السهر مثل الشقايق !!!

أسعدكم الله

ليلي البارح يرف الرمش رفا=المشاعر هايجة ماني بطايق
انتظرتك لين مل الصبر وأقفا=ما تحمل ونتي والصدر ضايق
اتقلب ما قدرت بليلي أغفا=كن في جوفي من اللهفة حرايق
علة الأشواق ما تبرا بمشفى=ما يداويها يقع شيل العـوايق
نرمي ظروف الزمن والبعد خلفا=نترك الأحلام ونسوي حقايق
مير تكفى كان تجدي معك تكفى=عجل الجية قبل تحدث فرايق
جيتك تشفي وجع وينام طرفا=الوكاد اصير بعد الضيق رايق
طلتك يفرح بها معلوق وأخفا=ينفرج همٍٍ(ن)على صدري طبايق
يابعد ناسي وكلي يا معفا=أنت كلك ياغلا للروح شايق
يا شهد ذايب من المنحل مصفا=يادوا جرح الهوى في قلب ذايق
لا توخر طالبك ما صار كفى=الجفا من حضرتك ماهو بلايق
جمر حبك بالحشا ما بعد طفى=يكوي الإحساس ماني منه فايق
هاجسي في غيبتك مجنون صلفا=والهداوة والفرح مثل السرايق
نومي البارح جفا والغالي أجفا=العيون من السهر مثل الشقايق(1)
يا عساها خير يارمشٍ(ن)ترفا=المشاعر هايجة ماني بطايق

1- شقائق النعمان

صح لساااااانك ابداع يتجدد

تقبل التحية

صح لسانك ولا هنت شاعرنا ربي ما يحرمنا منك

سلم راسك وصح لساااااااااااااانك

صح لساااااانك يابن هليل ويعطيك العااااااافيه


احتراااااااااامي

صح لسانك دائما مميز



تقبل التحية

صح لسانك شاعرنا رووووعة تسلم الايادي

صح نبضك ولسانك شاعرنا الراقي

صح لسانك مدد ماهو عدد


تقبل التحية

صح لسانك واحساسك شاعرنا ربي يوفقك