أسعدكم الله
أحلام وردية علها ترو ق لكم
الصاحب اللي بنص الليل مساني=ينشد عن الحال ردية برديه
قال:أنت طيب وقلت بخير يا فلاني=ما ناقص الا نشوفك عجل الجيه
غير السهر سمني والنوم ما جاني=ياليت حلو المنام اطول بيديه
النوم يا صاحبي بالليل جافاني=مدري من الجو وإلا علةٍ(ن)فيه
الليل كله على الشاشات سهراني=أكتب قصائد وأغني من قوافيه
والناس من حولي أصحابي وخلاني=تحلم بعز المنام أحلام ورديه
قال:أنت مهموم قلت:الهم يبراني=مشاغل الوقت سوت فعلها بيه
أشيا كثيرة بفكري شأنها شاني=الرأس مليان والأفكار جنيه
أتبع لهاجوس فكري حيث وداني=أقلب الفكر بين الحسنة وسيه
لكن وقتي وحظي قام يحداني=ما طلت هذي ولا هذي ولا ذيه
ما نلت غير السهر محمرة أعياني=يا صاحبٍ(ن)طيبتك مليون بالميه
غيرك من الناس ما ينشد تناساني=بحساب الأموات ناسٍ(ن)بالزمن حيه
بعض البشر صحبته حاجة ولا ثاني=لا من قضى حاجته بيغير النيه
إن صابني فرحةٍ(ن)ماعاد هناني=وإن صابني ترح قال:بحقه شويه
الناس شأنت ولا شانن الأزماني=ما عاد بقلوبهم رحمة وماويه
قال:البشر كلهم يا خي بتعاني=ما فيه مرتاح والدبرة سماويه
لكن تصبًح بخير بحفظ رحماني=بأمان ربي عسى دنياك جوريه
يالصاحب اللي بتال الليل سلاني=ياليت كل البشر بأخلاقهم زيه
الصاحب اللي بنص الليل مساني=ينشد عن الحال ردية برديه
التميز
الإهداءات
أحلام وردية !!!
رد: أحلام وردية !!!
