يا طير سلم لي على ذيك ياطير=اللي لها مشاعر الشوقت ناحت
من بعدها ياطير عفت الغنادير=الروح فيها مثل ما قيل ساحت
ياليت لي جنحان يا طير وأطير=واشوف مضنونٍ(ن)له الروح داحت
حب وغرام وشوق مثل السواعر=كل ما جمعها الدم بالقلب تاحت
عهدي بها قدام عامين بعصير=قبل المغيب العين بالعين طاحت
النظرة اللي غيرت وجهة السير=ما كني الا سكرة فيه ماحت
من بعدها والقلب ما شاف للخير=والنفس من نار الهوى ما استراحت
ودي بها مير البلى بالمحاذير=اللي علينا بالقساوات شاحت
مشاعري بين الحنايا نوافير=لكن ظروف الوقت ماعاد اتاحت
اون مثل اللي يدوس المسامير=وأغلي مثل ميٍ(ن)على النار فاحت
عامين وضعي ما حصل فيه تغيير=العين ما شافته والأذن ما احت
عامين اسج الرجل خلف المشاوير=وليا قعدت عروق الأشواق صاحت
اسلي الخاطر ببعض التعابير=لعل ليت لكل شيء استباحت
اقضي لليلي بالشعر والتفاكير=اتبع طيوفٍ(ن)للهواجيس لاحت
تبا الخلاص ودورت للمعاذير=اخذت بقايا حلم عمري وراحت
روحته عني ما كماها مخاسير=كل المكاسب بعد روحته زاحت
الوضع ما يحتاج ياطير تبرير=وقلوبنا تشهد ولا بعد باحت
هذا نصيب ودبرته المقادير=واللي كتب للنفس والروح ضاحت
يالله ياربي عليك التدابير=تلطف بنا بعد المواجيع حاحت
يا طير سلم لي على ذيك ياطير=اللي لها مشاعر الشوقت ناحت
التميز
الإهداءات
ياطير سلم !!!
رد: ياطير سلم !!!
