ليت المسافة بيننا مدة ذراع !!!

أسعدكم الله

الأبيات مثل ما جات بدون مقدمات

اهديها لكم

لو المسافة بيننا فركة كراع=هانت علينا باقيات المخاطر
وليت المسافة بيننا مدة ذراع=ما كان سجينا جديد المواتر
ولا كان حسينا بلوعات الاوجاع=ولا كان ضيقنا عزيز الخواطر
مير المسافة بيننا مبعد القاع=اللي يكَسَّر في عزوم المسافر
مهما تحدينا وقلنا ترى سباع=البُعد كايد والعطش للحناجر
لو القدم للي يبي خافقي طاع=شيبت من سجي رموش النواظر
كله على شأن الغلا حلو الأطباع=اللي لقبلي مثل روحي يشاطر
أهوى لذاته وأعشق لكل الأوضاع=حلو المحيا والأدب والمشاعر
أحلم بشوفه صيف وأحلمه مرباع=في روضته والشوق للقلب ماطر
لو الزمن ضيق لنا صدورٍ(ن)وساع=ماني بناسي للغلا دوم فاكر
أحلامنا لوهي كبيرة بلا نزاع =تصبر على الحرمان لو كان قاهر
عن شوفتك ياللي لك القلب مولاع=ما باقي إلا طيف ناوي يغادر
رفع على وجه الزمن صاري شراع=وأنا همومي حملت للبواخر
هم الهوى والهجر ماهو بينباع=منهو يتاجر بالهوى حتم خاسر
لا صار من يهواه من دونه اشساع=والحظ عاند والقطيعة خناجر
يقيني إنه في صحار الهوى ضاع=بُعد المسافة للمشاعر مقابر
وختامها يا حظ بالصبر تنصاع=الله عوين اللي على البُعد صابر
لو المسافة بيننا فركة كراع=هانت علينا باقيات المخاطر

صح لسانك للرضا


ابداع غير مستغرب


تقبل التحية

احسنت شاعرنا صح لسانك ربي يسعدك

يا سلام صح لسانك وكل كيانك ابداع شاعر ما فيك حيلى

صح لسانك واعتلا شانك بدعت لا هنت


تقبل الاعجاب والتحية

صح لسانك وبيض الله وجهك

مبدع لله درك

رائع لله درك


صح لسانك وسلم بنانك

تسلم اخوي وصح لسانك روووعة ربي يوفقك

رائعة من روائعك


الله يعطيك العافية

صح لسانك واعتلا شانك


دائما مميز

تقبل التحية