أسعد الله أوقاتكم
الأبيات بدون مقدمات
تعالي ضمدي جرح الفؤاد ويا عساه يطيب=ذبحني من سنين ولا لقيت اللي يعرف دواه
عرضته للأطبا كل من شافه يقول صعيب=ادور للدوا والظاهر إني مستحيل القاه
تعالي وأنقذيني كان عندك علم بالتطبيب=ومعروفك ليا منك نجحتي بالدوا ما أنساه
تعالي ونسي قلبٍ(ن)يعاني وحشة التغريب=من أسباب الوليف اللي تعلق فيه ثم خلاه
تعالي شاهدي فيني علاماتٍ(ن)من التعذيب=وشوفي حالي اللي لو يشوفه كافرٍ(ن)بكاه
تعالي رتبي لأوراق قلبي عيدي الترتيب=لعله يستعيد العافية ويطيب من بلواه
تعالي جربي حظك معي قبل الرموش تشيب=ليا شابت رومش العين عمري ما يفيد أتلاه
تعالي عانقي حلمٍ(ن) حلمته عل معك يصيب=سنين طوال يلعب بالفؤاد ولا لقيت حلاه
تعلق به فؤادي ماهقيت إنه كذا بيخيب=ذبحني حظي المقرود ياريم الفلا ويلاه
وألا ياليتني قبل المقدر عالمٍ(ن)بالغيب=لو إني مطلع للغيب قلبي ما عرف مشكاه
مقدر وإنكتب ما عاد ينفع بالأمر تكذيب=تولعت بعشيرٍ(ن)ياعسى كل البني تفداه
عشيرٍ(ن)كل عيبه ما خلق ربي بذاته عيب=تفرد بالصفات وبالحلا رب البشر حلاه
كذا وإلا كذا قلبي جريح بدون شك وريب=علاجه عند مضنوني ولا له بالوجود أشباه
محال تعالجي جرحٍ(ن)بقلبي مستحيل يطيب=علاجه في يدين اللي جرح يعرف بسر دواه
التميز
الإهداءات
تعالي ضمدي جرح الفؤاد !!!
رد: تعالي ضمدي جرح الفؤاد !!!
