الصدر ضايق فارقته السماحه !!!

الله يسعد أوقاتكم بكل خير


يا شين الليل ليا تعمس النوم وراح وقته

عاد حبيت أتسلى وجبت لكم تخاريف أخر الليل

علها تطير نومكم مثلي بالذات رباح وابن عميش اشوفهم سامرين

الظاهر حاصل لهم ما حصل لي

الصدر ضايق فارقته السماحه=الى متى يا صدر باقي تعلم
كنت اعتقد بالحب للصدر راحه=ماكنت أظنه قطعة من جهنم
حتى وقعت وطحت به حي طاحه=عرفت منها ويش معنى تألم
صدر المولع مايعرف انشراحه=إيون صاحي وان رقد به تحلم
أثر الهوى للفكر كله فداحه=إن بحت به والا عليه اتكتم
القلب ما يرحمه كان إستباحه=اليا تمكن من عروشه تحطم
ماينقذه بالطب مشرط جراحه=وش يجمع اشتاته الى من تقسم
ما عاد يجدي فيه واعظ نصاحه=ولا عاد يعدل فيه قاضي تظلم
ماله علاج الا حسين الملاحه=ينسى مواجيعه الى من تبسم
لا من قرب هم الزمن منه زاحه=ولا من بعد كل الأماني تهدم
اللي شرب سم وعسل من قداحه=هذا الوحيد اللي بنبضه تحكم
شهد العذوبه والحسن والصراحه=وسم البعاد اللي غلب للتسمم
اللي تركني للمواجيع ساحه=اطلق هواجيس الهوى فيه واخم
مالي معين إلا لسان الفصاحه=الوذ به في ساعة الضيق والهم
يرمي على وجه القوافي وشاحه=ويغوص بي ببحورها داخل اليم
أترك هماجه وأرتوي من قراحه=بعذب المعاني يالساني تكلم
ماني بمن يطرب لشعر الوقاحه=ولاني براسٍ(ن)بالهزيله تعمم
لو ضاق صدري ماتضيق السماحه=علمت غيري بالزمن وأتعلم

الله يعطيك الف عافيه على هذا

الابداع والتميز

وبعدين انا دائما متواجد اخرالليل

سماري الى الفجر والله المستعان

لك التحيه والتقدير

حياك الله يا بو ماجد


الليل ميعاد الفتى والذئب لكن الشياب ينامون من أول الليل

وليا تعمس نومهم سووا كارثة

هههههههههههه

جعل الضحكه دوم يابوعبدالله

والليل للعشاق والسمار

كما يقولون اخوانا اللبنانيين

اللي ما بيعشق وبيسهر لشو حياته

استغفر الله العظيم

وانت شباب يابن هليل لم تدخل سن الشياب

كما ذكرت الله يعطيك الصحه والعافيه

لك التحيه

يا سلام عليك يا استاذ الشعر


الله يعطيك العافية


صح لسانك مدد ماهو عدد

يعطيك الف عافية طرح مميز وفقك الله

تستاهل الفايف استار يامبدع صح السانك

يا سلام ياسلام



ابداع غير مستغرب


صح لسانك واعتلا شانك



تقبل التحية

هههههههههههههههههههههههه ماتلام ياابن هليل ترى حب الزوجة مبــــــــــــــــــــــــــــاح
تحـــــــــــــــــياتي لــــــــــــــــك

لله درك يا مبدع القوافي واستاذ الشعر


صح لسانك مليون ولا يكفون