النجوم السامرة !!!

أسعدكم الله بكل مكان وزمان


اليكم ما جادت به الليلة

البارحه سهران وأعد النجوم=كل النجوم السامرة عديتها
ساري مع الهوجاس ماحسيت نوم=أشيا كثيرة بالفكر مريتها
ذكرت بالدنيا سواليف وعلوم=سمعتها والا قبل سويتها
حقائقٍ(ن)قفت مثل مقفاالحلوم=بأيام عمرٍ(ن)بالزمن زليتها
ذكرت ناس أغراب وأحباب وخصوم=ما باقي إلا ذكريات أدميتها
من كثر ما تطري عليه كل يوم=ياما المدامع فوقهم هليتها
لا من ذكرت أبوان وأخوان وعموم=طوى القدر لنفوس ما مليتها
وذكرت ناس شيوخ ورجالٍ(ن)قروم=ياليتهم ما كان راحوا ليتها
وذكرت ناس نعدهم صف الرخوم=ما تنتخي لا يبعث الله ميتها
وذكرت ناسٍ(ن)باللوازم ما تقوم=تجمع حطام الوقت خايب صيتها
وذكرت رحلاتي على متن الغيوم=وذكرت مداتٍ(ن)قبل مديتها
تقافت الأيام دنيا ماتدوم=ليا كشرت بالناب يخرب بيتها
سهم المنايا غير عن كل السهوم=دنيا غرور ولو بعد حبيتها
تسلبك حتى ما عليك من الهدوم=ما تملكه تأخذه لو ما أعطيتها
مافيه فرقٍ(ن)بين حاكم ومحكوم=تنهد فوق الراس لو عليتها
والباقيات الصالحات الله رحوم=وأعمال خيرٍ(ن)بالعمر سويتها
يالله تجعل قسمنا خير القسوم=تقبل صلاتي كل ما صليتها
من عقب ما غابت سواريت النجوم=هواجسي عند الفجر وطيتها
أعجزني الفايت وعاجز بمعدوم=بعد النجوم السامرة عديتها

مصافحة اولى للابداع



صح لسانك مدد ماهو عدد



تقديري واحترامي

سلمت يداكـ

صـ√ـح لـسـانـكـ مدد بلياا عدد

تقديري واحترامي لشخصك الكريم

وبوحكـ الراقي





ساحر القلوب

صح لسانك



قصيدة تحمل كثير من التأمل

صح لسانك واعتلا شانك وفيت وكفيت لا هنت

يعطيك العافية قصيدة اكثر من رائعة

ابن هليل يعطيك العافيه قصيده رائعه
رحم الله امواتناواموات المسلمين
وجمعنا بهم في جنات النعيم

صح لسانك الى مالا نهاية



ابداع غير مستغرب من اهل الا بداع

ابدعت وامتعت صح لسانك واعتلا شانك

صح لسانك وسلم بنانك




قصيدة جزلة



موفق