أطرح بينكم هذا الطاروق له عندي بالذات ميل كبير وبالذات في المساء
عله يروق لكم
الليلة الليل رايق والفكر ماهو برايق=اجتاحني مثل ماسوى التحالف ضد الأفغان!!!
أعلن تقدم على الميدان وأدس الحقايق=وأقول كسبان لكن عمرها ما كنت كسبان!!!
من سبة اللي رماني بالهوى رمي الطلايق=رمى سهومه على قلبي ركاد بدون نيشان!!!
من يومها لو ضحكت أضحك وانا ماني بفايق=أمشي مع الناس صاحي والفكر ملبوس بجنان!!!
أشوف طيف الغضي مابيني وبين الموايق=وأسمع لصوته وضحكاته وزول الزين ما بان!!!
أدرى جروحي بروحي وأتحمل للعوايق=وأقول:يمكن عسى في يوم يصلح ربي الشان!!!
يجي يداوي جروحي بعد ما شب الحرايق=في قلب مغليه لين يعود حالي مثل ماكان!!!
يامشغل الفكر صدك والجفا ماهو بلايق=تعال وقف نزيف الشوق في عاشق و ولهان!!!
لا تعتذر شوف لك دبرة ودور لك طرايق=اللي يبي للجميلة يلتقي سكة وبيبان!!!
وإن كان ما جيت رحنا كلنا سيرة خلايق=منهو خبر عاشقٍ(ن)يذبحه معشوقه بهجران!!!
وإن قلت لي لا توخر جيت لك ماني بضايق=لو المسافة بيعدة والوطن من دونه أوطان!!!
ملعون حبك شغل لي هاجسي وأدمى العلايق=ماني بلاقي علاج يخففه مع طول الأزمان!!!
مايلومني غير واحد للهوى ماهو يذايق=الحب سم بعسل محبوب عند الإنس والجان!!!
تدرون عاد الحقيقة بالدليل وبالوثايق=هذي سوالف على الدلة بعد ما أخذت فنجان!!!
الليلة الليل رايق والفكر للشعر رايق=اجتاحني مثل ماسوى التحالف ضد الأفغان!!!
التميز
الإهداءات
الليلة الليل رايق والفكر ماهو برايق !!!
رد: الليلة الليل رايق والفكر ماهو برايق !!!
