الحال ما يعجبك !!!

واحد اتصل بي بعد غياب طويل

يقول كيف حالك على طول الغيبة

قلت:

بعد الغياب اللي طويلة لياليه=لا عاد تنشدني عن الحال وشلون!!!
الحال ما يعجبك واضح ترديه=كل يوم أشوف الحال من دون في دون!!!
مقفي مع المقفين مُره وحاليه=ماهو على هونه ولا يعرف الهون!!!
ماهو على كيفي ليا جيت أهديه=لو هو على كيفي تجنبت للهون!!!
اللي رماني فيه قلبي ومغليه=الله يكون بعون من يطلب العون!!!
شاب الزمان وشبت والحال نبكيه=والعمر مقفي للعمل صار مرهون!!!
مات الزمان الزين وشلون نحييه=الوقت يفنى والمخاليق يفنون!!!
إن كان عندك حل هاته ونشريه=مهما غلي ونقول لك بعد ممنون!!!
وإن كان مابه حل لا عاد ترجيه=الله عليه المشتكى خالق الكون!!!
هذا نصيب وصاب نرضى بما فيه=وقت يتقلب بين فرحات وحزون!!!
بعد الغياب اللي طويلة لياليه=لا عاد تنشدني عن الحال وشلون!!!

صح لسانك ونبضك ملايين وطاب فالك ياقدير لاهنت

الماسه كويت

صح بدنك لا هنتي


شكرا لمرورك الطيب


تقديري

ياسلام قصيده رائعه كلهاحكم ودرر
يعطيك العافيه ويطول عمرك ان شاءالله على طاعته

شــــاب الــزمــان وشــبـــت والــحـــال نـبـكـيــه
والـعـمـر مـقـفـي للـعـمـل صــــار مــرهــون!!!
مــــات الــزمـــان الــزيـــن وشــلـــون نـحـيـيــه
الـــوقـــت يــفــنــى والـمـخـالـيــق يــفــنــون!!!
صح السانك..... يا ابو حازم ..
والوقت يبقى والمخاليق يفنون

على ما اعتقد ابو زويد . اذا ماني واهم . يقول . نعد اليالي واليال تعدنا.. العمر يفنى واليال اجداد.

ابن عبود


صح بدنك ولا هنت


تقديري

اقتباس : المشاركة الأصلية كتبت بواسطة رباح دبيان البيضاني [ مشاهدة المشاركة ]

شــــاب الــزمــان وشــبـــت والــحـــال نـبـكـيــه والـعـمـر مـقـفـي للـعـمـل صــــار مــرهــون!!! مــــات الــزمـــان الــزيـــن وشــلـــون نـحـيـيــه الـــوقـــت يــفــنــى والـمـخـالـيــق يــفــنــون!!! صح السانك..... يا ابو حازم .. والوقت يبقى والمخاليق يفنون على ما اعتقد ابو زويد . اذا ماني واهم . يقول . نعد اليالي واليال تعدنا.. العمر يفنى واليال اجداد.

اولا صح بدنك ولا هنت

ثانيا لكل واحد وجهت نظره

ولكل انسان زمانه يعيش معه ويموت معه

لن تأخذ زمن غيرك ولا أحد ياخذ زمانك

وهذي صورة شعرية مختلفة عن ما ذكرت طال عمرك

الوقت احساس ومعاناة اما دورته الفلكية التي ليس للبشر دور فيها فهذا امر أخر

تقديري

اقتباس : المشاركة الأصلية كتبت بواسطة binhlailبن هليــل [ مشاهدة المشاركة ]

اولا صح بدنك ولا هنت ثانيا لكل واحد وجهت نظره ولكل انسان زمانه يعيش معه ويموت معه لن تأخذ زمن غيرك ولا أحد ياخذ زمانك وهذي صورة شعرية مختلفة عن ما ذكرت طال عمرك الوقت احساس ومعاناة اما دورته الفلكية التي ليس للبشر دور فيها فهذا امر أخر تقديري

منك............ نستفيد .......... طال عمرك

وجهة نضر صحيحه بالتخصيص
ممكن يقال انتهى وقته او استنفذ وقته هذا صحيح ولا عليه غبار

الله يابو حازم لله درك حكيت عن واقع لابد من مروره الله المستعان