الأبيات بدون مقدمات
بعد غابت عن الساحة لها إسبوع مثل شهور=عساها تالي لغيباتها ماهي بأولها
عزمت أكتب لها تذكار فوق الحائط المهجور=يجوز تمر في يومٍ(ن)وتقرأ وش كتبت لها
ترى سوء التعامل والقسا سبب شعوب تثور=ونفسٍ(ن)تلتجي بالصبر لو طول بيقتلها
غيابك ما يعالج جرحنا ويفرح الجمهور=وعينٍ(ن)ما تشوفك دمعها دايم مكحلها
إذا تقوى على الهجران ما تنشد زمن ودهور=أنا قلبي من الطيبة همومك دوم يحملها
تسامرني طيوفك كل ليلة والطيوف طيور=تخاطفي وأحاول صيدها في جو شايلها
عيون الفكر تتبعها وقلبي بالجفا منحور=أنا والليل والأحلام تذكار ا نتبادلها
ليا مني ذكرت أيام مرت حين كنت تزور=تسابق جيتك أشواق قلبك في تواصلها
وأنا من لهفتي أطوي زماني طية المنشور=غرامي يا غرامي ينقض أشواقي ويفتلها
يا كيف أقوى على غيبتك دون إحم ولا دستور=بلحظاتٍ(ن)جميع أحلامنا للخلف تنطلها
رفعت الضغط في دمي وأحسه بالعروق يفور=مزاجيتك وأفكارٍ(ن)بلمساتٍ(ن)تبدلها
بأمان الله وتلقا خير ماني عبدك المأمور=عسى ربك مثل ما قيل:في يومٍ(ن)يعدلها
التميز
الإهداءات
غابت عن الساحة !!!
رد: غابت عن الساحة !!!
