شهـــــــــ شارع ــــــــــــار

السلام عليكم ورحمة الله..



أعذروني على طول الغياب..



وتقبلوا هذه الأبيات العاجله عسى أن تنال إعجابكم

ياهاجس الشعر حضّر والقصيد أسرجه=يالين تغدي بيوته مثل قّـُحص المهار!!
الشعر من شاعره والفلم من مُخرجه=وشمس الحقيقه حقيقه ماعليها غبار!!
ياهاجسً في سما أبداع الشعر معرجه=حلق بنا مانبي طياره ولامطار!!
والوصف حاول على ماشفت تستدرجه=في واحدٍ يوم قبَّل فالطريق أستدار!!
واقفى بمشي الدلاعه كن فيه إعرجه=من ميلةٍ فاليمين ..وميلةٍ فاليسار!!
لين أعترض له رصيفً فالطريق أحرَجه=يا الّليل يرخي سدوله..يا يبين النهار!!
ولا زدت غير أندهاش لدهشة التفرجه=والمدرسه..بابها مابين جنّه..ونار!!
مابين طلّة قمر16فوق أدرجه=ومابين غيبة قمر16 خلف الستار!!
والشارع من المحبّه ينتظر مَخرجه=ورصيفه يقول:ياصَبري على الأنتظار!!
والصبر مهما يطول..الله سريع أفرجه=اصبر وربَّي يسهّلها ياشارع شهار!!
وأنا على البال ماباقي كلام أهرجه=ألاّ عسى الأسئله صح/وخطأ/وإختيار!!
وأن كان للزين فنظام الدروس درجه=يأخذ 100من100في صالة الأختبار!!

وسلامتكم



محبكم/عيضه الثبيتي

الله عليك


يا عيضة


وأنت تأخذ 100 ./. على هذه الدرة النادرة


فلم من قصيدة


صح لسانك مدد ماهو عدد


وبنتظار جديدك لا تطول الغيبة


لك خالص التحية

صح لسانك يا أبا فيصل



من طول الغيبات جاب الغنائم


صح لسانك ..... نص راقي مبنى ومعنى تناغم رائع بين الافكار

صنعت فلما من قصيدة


والظاهر شارع شهار يكون فيه الإلهام متميز


بعد هذه القصيدة أتصور كثير من العرب بيزور شهار


بارك الله فيك


لا عدمنا هذا التميز والابداع


بنتظار تواصلك المستمر


ولا عاد تطول الغيبة


لك خالص تحيتي

عيضة الثبيتي



صح لسانك وعلا شانك كفيت و وفيت نص راقي برقي فكرك


لا عدمناك

صحّ لسانك أخوي عيضة
وافية من راس وافي
تقبل تواضع مروري

صح لسانك واعتلا شانك


نص جميل وصور جمالية


وليس بمستغرب منك هذا الابداع


تقبل خالص الود والتحية

عيضه الثبيتي

صح لسانك يابو فيصل

على هذه الدرر الجميله

قصيده متميزه في موقع

مميز كلمات غنيه عن التعبير

صحيح طولت الغيبه وجبت الغنيمه

سلمت يمينك وبيض الله وجهك

تقبل تحيتي الخاصه

عيضه الثبيتي

صح السانك وصحيح من قال من طول الغيبات جاب الغنايم

قصيدة جزله من رجل جزل وافية وكافية معاني مميزة درر من درر التاريخ

تـــــــقـــــــ تـــــــحــــــيـــــــااااااااااااتــــــــي ــــــــــبـــــــــل

صقر عتيبة

صح الله لساااااانك يا عيضه

قصيده رائعه

سلم منطوقك وننتظر جديدك

الله يعطيك العافية

صح لسانك درة ماشاءالله . . وماهي غريبة عليكـ

من طول الغيبات جاب الغنايم .. ولاتطول علينا

ننتظر جديدك ..

خالص الود
...