سجل حضورك اليومي بـــ بيت شعر

انت وصفك في نظر عيني قصيد
يوم غيرك محتوى اوصافه شطر

ما تفيد القلب وصفات الطبيب
لا امتلى قلبكً من الشوق ورعش

ياعذاب العين . . ما قبل المغيب
و ياعذاب القلب . . مابعد 12:00

في غيابك اكتسى العالم سواد = وبحضورك امتلى ذا الكون نور

ياعيد لك ذكرى مع ناس غالين = راحوا عسى ربي يطيب ثراهم


كانوا لنا مثل ورود البساتين = يعطر الاجواء ريحة شذاهم


بقلمي

عبد المجيد

الله يسعدك أعجبتني بأبياتك وبالذات الشطر

و ياعذاب القلب . . مابعد 12:00

الله يعين الجميع ما بعد 12

هههه

يا عذاب القلب من بعد الحبيب
الحياة بدون من نهوى طفش
ما يسلي لا قريب ولا غريب
من عشق غايب بدنياه ابتلش
دونه الأميــــال ما عاده قريب
والمشــــــاعر بالحنيا تهتوش
بين ليت وبين صار بعلم غيب
ما بقي إلا تــــــــلازم بالشوش
لو تنادي صاحبك ماهو مجيب
وأنت تحسب صاحبك سوى طنش

بقلمي

تقديري

عيدي يادار سلمان وتباهي = والبسي تاج الفخر يااعز دوله

يحفظك مولاك من كيد المعادي = في ذرى من فعله يطابق لقوله


بقلمي

مغرور متمرد وجيكر وشرير
زودٍ على ،مافيه ،،طبعه خيالي
اعشق وجوده واتحراه واغير
ودي اعيش بوسط قلبه لحالي

كلمات الشاعرة حرف العنا

فضيت لك اكبر مساحه بصدري
وخليت قلبي والأحاسيس ~لك طوع
واهديتني فالحب وسواس قهري
من خيبتي كم عرق فالجوف مقطوع

الشاعرة حرف العنا

أنت آخِر مِن غَفَى فكري عليه
و أنت أول مِن صَحَى نَبضِي مَعَه

خذني بحضنك ابغفي ياه مبطي ماغفيت
وإن لمحت دموع عيني سو نفسك مالمحت
خذني بحضنك وبعثر في جروحي وإن قضيت
هزلي كتفي وقلي عيب تبكي لو سمحت


الشاعر:فهد المساعد