ياشاعر المليون بالخير أمسيـك=الله يثيبـك مـدري الله حسيبـك
لفكار واجد ميـر مالله بهاديـك=تكتب عن اللي ما اضنه يعيبـك
انا احيـي الشعـر ولا اعزيـك=ولا اعزي الشعـر ثـم ابتديبـك
يا شاعـر المليـون الله يخليـك=اسمـع معـي لعلنـي اقتديبـك
اقول يا صـدام والسالفـه شيـك=والارض لو تنجب ماضني تجيبك
يبكي عليك المجد والعز يرثيـك=ويبكي بعيد الدار واللـي قريبـك
ويبكي عليك اللي من اول يعاديك=واللي حريبك واللي ماهو حريبك
لانَك بطل ما تنهزم في مباديـك=لاخر رمق واصلت والله يثيبـك
موتت بطل ماهي بموتت صعاليك=أفخر بموتك ولا أفخـر بشيبـك
تسابقت لاقلام والشعـر ناسيـك=والمحبره ما جالها من نصيبـك
في قاعه المليون محدً حكا فيـك=كلن يهيبـك يـوم كلـن يهيبـك
الشعر دام انـه تكلـم بماضيـك=ما ضني انه يجهلـك او يسيبـك
ماعاد تغرينـا ورود الشبابيـك=يا شاعر المليون انسـى حبيبـك
ونسى بعد اللي يعـزك ويغليـك=الا الوطن والدين ومن يعتزيبـك
اكتب وانا بدعي عسى الله يقويك=لاصرت تكتب ما تلمست جيبـك
الشاعر:خالد الحييلي
التميز
الإهداءات
رد: المحــــبرة؟؟؟؟
