زاد همي بصدري واصبح الهم قتال=وليس لي غيرك ارجو يالهي سواله
وانت يارب قادر تذهب الهم بالحال=وقادر انك تسهل رزق عبدك وماله
فاسالك بالي يرضيك من قول وافعال=تفرج الهم عن عبدك وترفق بحاله
فارقت زين المحيا اهيف الخصر ميال=غصب عني فرقته واصبح البعد فاله
من فرقتك ولا فارقت يا صاحبي البال=ساكنن وسط قلبي وسط ظل وظلاله
ون مرطيفك امامي قمت له قدر واجلال=ون هب عطرك تجاهي صابني بالثماله
من كثر حبي وعشقي صرت في حالة اخبال=اطالعه في مرايا الوقت وارسم خياله
اظل اهوجس بذكره وانتشي ساعة اوصال=واحس في داخلي نيران تشعل شعاله
واشعر بنبض الحنايا كنها صوتها خلخال=تشجى المعنى بحبك يا زين نادر مثاله
واطرب اذا قلت بعدك عننا يا الغلا طال=واقول لك مرحبا مليون يا راسماله
هواك عذب فؤادي واهوى عذابك واختال=واقول خلي هجرني واليوم يشكي الاطاله
حتى عذابك احبه واهوى خصامك ولاشكال=وتمون وانته بحكمك جاير وفيك العداله
يا روح روحي ويا عشقن سكن داخل الجال=يا عذب شعري وياشعري ورونق جماله
يا لون شمس الصباح الهادئة فوق شلال=بانت لناظر على سفح الجبل كاستحاله
ثيابها من خيوط الشمس الوان واشكال=ممزوجةن في جمال الماء وضوء الاصاله
كانها البدر في اربعتش من نص شوال=بل انها منهو اجمل في طلته واكتماله
يا نبع بحر الوفا يا عذب مسكوب بادلال=يا خوخ بستان ابو وضاح يا برتقاله
يا منية الشاعر المبلي على كل لحوال=يا جود يا ابو الكرم ياخوه يا اكبر عياله
اهواك اهواك حتى يصبح الحب منهال=وتبقين انتي الامل حتى يجود بوصاله
وليس لي غير ربي ون كان وقتي علي مال=الله وحده ولا غيره وجل جلاله
فاسالك بالذي يرضيك من صالح اعمال=تلم شملي بخلي وبارك لعبدك بماله
واقض عني ديوني ويسر الامر يا عال=واذهب الهم عن عبدك وعفوك يناله
التميز
الإهداءات
زاد همي بصدري واصبح الهم قتال
