الصاحب اللي صحبته للمصالح !!!

أسعدكم الله دنيا وأخرة


اليكم ما جادت به اللحظة عله يروق لكم

الأبيــــــــــــــــــــــــات

الصاحب اللي صحبته للمصالح=ياسرع مقباله وياسرع مقفاه
اليا بغا له حاجةِ(ن)جاك مادح=وليا نصيته في لزومك فغر فاه
بالوجه حلو وبالقفا مر مالح=لا بارك الله في مجيه وملفاه
عذر منه مالك بشرواه صالح=وجهه على ماقيل يشبه مقفاه
لا تعتزي به بالليال الكوالح=عده صفر على شمالٍ(ن)وتفاه
دور على اللي بالصراحة مصارح=اللي يمد لك الوفا لو تجفاه
لوهو زعيمٍ(ن)ما إشتقى بالمشالح=مايحقر الممدود لوكان ماأكفاه
يأخذ ويعطي والرجولة مرابح=اللي تبي يعطيك ماعنك أخفاه
ماقال:هذا مطلبٍ(ن)حيل فادح=مثل الدوا للجرح بأمر الله شفاه
الصاحب الفالح يصاحب لفالح=وإلا الردي صحبته كلمه على شفاه
الفرق واضح بالبشر والجوارح=ومنهو تذرى بوجه بارد فلا أدفاه
حتى المنازل تختلف بالمطارح=منزل رفيع ومنزل الريح تسفاه
قال المثل لابد تضوي سوارح=ومن لا تخير درب ممشاه يحفاه
الصاحب اللي صحبته للمصالح=ياسرع مقباله وياسرع مقفاه

صح لسانك والله يجعل مايخاوينا إلا الصالح الفالح وإلا الردي الله يبعده عنا
وبورك فيك أخي وفي شعرك

صح لسانك مليون ولا يكفون


قال المثل الجليس من جليسه

معنى اخر وبعد اخر



وجاذبيه اخرى


صح لسانك مدد






فائق التقدير والاحترام .

صح لسانك



كعادتك مبدع


تقديري ونحيتي

ابداع متجدد




صح منطوقك



الله يوفقك

يا سلام عليك



صح لسانك


انا اشهد ان الصاحب الوفي هو المكسب للرجل

صح لسانك واعتلا شانك وفيت وكفيت الله يعطيك الف عافية

صح لسانك وسلم بنانك


قصيدة ذات مبنى ومعنى راقي

صح السانك ياراع الجزلات لاعدمتك والله ياراع الاوله
مبدع في جميع حالاتك اتمنا لك التوفيق