هذي قصيده للشاعر(محمد بن تويم الثبيتي(رحمه الله)
ليله وانا مرتاح في احلى منام=
جتني طموح النفس سر الغرام=
واوصتني احفض سرها باحترام=
لايسمعن السيدات الاديبات=
وتقول انا جيتك من ارض بعيده=
اسمع بأبو مطلق واحبه واريده=
لعلنا نحيا حيات سعيده=
ونعج في مستقبل الوقت عجات=
قلت اجعلي صدقك يغطي مزوحك=
وانا الطبيب اللي يداوي جروحك=
مير اخبريني عن حياتك وروحك=
بالله من ايات النحايا والامات=
قالت ايرانيه ون ديره ايران=
جابتني الاقدار من ذيك الاوطان=
قلت الغصون تميل والعود ريان=
ياكثر كذب ام العيون الكحيلات=
قالت عراقيه ومن ذيك الاقطار=
ادري على ذا الروح من كل غدار=
قلت اه ياريم الفلا منك مكار=
ياكثر كذب ام العيون الكحيلات=
قالت تراني من بلاد الشوامي=
من سوريه قلت اتركي هالكلامي=
يبو نهود مثل تفاح شامي=
ياكثر كذب ام العيون الكحيلات=
قالت تراني من قطر يا ثبيتي=
هات القلم واكتب لك اوصاف بيتي=
قلت اختبرناك وعلى الصدق ابيتي=
ياكثر كذب ام العيون الكحيلات=
قالت اخذ الصدق واخذ اقصى الحقيقه=
من الكويت اللي بلدكم شقيقه=
قالت اثر ساعتكم تقدم دقيقه=
ياكثر كذب ام العيون الكحيلات=
قالت خذ اعلومي وسجل خبرها=
من تونس الخضراء سقى الله ديرها=
قلت الثريا لاتغالط قمرها=
يا كثر كذب ام العيون الكحيلات=
قلت نبي نقنع مجيب وسايل=
من ليبيه ياخي ويش انت قايل=
قلت السفاره تبعث النا رسايل =
ياكثر كذب ام العيون الكحيلات=
قالت نبي نقصر لك العلم قصرى=
اليا بغيت الصدق من شعب مصري=
قلت ابني من الكذب عشرين قصرى=
ياكثر كذب ام العيون الكحيلات=
قالت عسى رب الملا يصلح الشان=
منشي سحاب الغيث من غر الامزان=
لن سالتني ياخي من شعب لبنان=
ياللي تسب ام العيون الكحيلات=
قلت الحذر منكن فرض وسنه =
ياكم ركبنا الخيل من غير اعنه=
يجب علينا الحرص من كيد كنه=
في وقتنا الحاضر وفي كل الاوقات=
امشي على مهلك وانا امشي بمهلي=
يا حلوت الخدين لن سمعوا اهلي=
اخاف ما يلتف شملك وشملي=
قلته وقالت ليتها كان ما جات=
حبك كوى قلبي وهشم ضلوعي=
تناول المنديل مسح دموعي=
قلت ابشري مولاك ماهو قطوعي=
وانا من رجال تحل المهمات=
بكره يبي يخطبك امير بدالي=
ناصر بن معمر كريم السبالي=
قالت صحيح انه عزيز وغالي=
لكن ما مالت له النفس ميلات=
قلت امطر خيالك وسيلك نحاوي=
لا تحسنين الضن في كل غاوي=
عبد العزيز بن معمر غناوي=
قالت عنه قلبي ضرب له نحيات=
قلت الله ينسيك همك وهمي=
ابا العلا مانع تريه بن عمي=
قالت كفو لاكن ماهو بيمي=
يقولون مانع ما يبي الاجنبيات=
قلت اتركي ثلثين الاحزان والضيم=
رضيت لك فضيله القاضي اغنيم=
قالت تراك اتعبتني يابن تويم=
وانشبتني في خط كله ملفات=
قلت الشريف حسين لن جاك ضني=
راعي هروج مثل هيل وبني=
قالت من أيدق الطبول ويغني=
قلب الشريف يميل نحوا الشريفات=
قلت ان هداك الله ياعسل ذايب=
يقولون يحيا شيخ ماهو بخايب=
كنه ولد وان كان اريتيه شايب=
قالت عدنا عن ملايين وميات=
قلت ارقصي فوق الغصن ياحمامه=
لقيت شفك من رجال الشهامه=
ياسين راعي فله بالسلامه=
قالت علومي من علومه بعيدات=
قلت اه ياضبي عديم الوصايف=
دنياك ياغالي كما مانت شايف=
طلعت اتوري فيه والا انت عايف=
قالت ماسب اهل الشرف والمروات=
قلت الشرف ما فور والعز ضاف=
ذكرت لي شخص لبوسه رهاف=
اسمه جمال الزمزمي يالسناف=
قالت شربنا الما من الزمزميات=
قلت الحميدي لا يفوتك نصيحه =
لن كان اثر نيتك معنا صحيحه=
راعي الصحن في حلته والذبيحه=
قالت كفو مير العذارى كثيرات=
قلت ارتضي واحد من ازملايه=
ولكل مشكلتن على الله نهايه=
جارالله السواط فيه الكفايه=
قالت وجع لا يسمعن الفتيات=
قلت التويتي يالخاينه بالشجاري=
وابكي وانا اضحك راحت علومك افوات=
ليتك كما ما غابت الشمس غبتي=
اتعبتي بن تويم وانتي تعبتي=
حلفت ما نعطيك غير الجبرتي=
عيشي معه رغم على كل شمات=
قالت بليتوني بعود مقفي =
ماني بلا شفه ولاهو بشفي=
تراك لن حطيت كفه بكفي=
ابا انتحر واموت من جيز الاموات=
ملاحظة:القصيدة أطول من كذا بس ما وجدت الا هذا
اللي يلقى الباقي يمكن يضيفه برد
التميز
الإهداءات
كذب ام العيون الكحيلات..؟؟؟
رد: كذب ام العيون الكحيلات..؟؟؟
