أحس الصدر كنه فوق قلبي بعدكم مطبوق !!!

أسعد الله أيامكم ولياليكم


اليكم الأبيات بدون مقدمات

تعبت من الحرير وعقد لؤلؤ زين المنتوق=وتشكي من جروحٍ(ن)جمرها من قلبي الناري
يا كيف بلوعتي يالوعتي من قلبي المحروق=بعينك شوف وش سوى هواك بجامح أفكاري
أحس الصدر كنه فوق قلبي بعدكم مطبوق=لكن الله يسامح من طعن قلبي بغداري
أنا اللي بالزمن تعبان قلبي بالهوى مفتوق=وأنا بأول طريقي مبتدي بالشوق مشواري
ضناني حب من حبيت وأحرقني لهيب الشوق=شقا هم وغرابيلٍ(ن)ترافقني بأسفاري
هواه مخالج أفكاري ويجري كادما بعروق=يغذي كل ذرة بالجسد مع دمي الجاري
همست وصحت حتى طحت وينك يا رفيع الذوق=ترى ما أقبل عذر لو قلت لي ما كنت أنا داري
معك خبر بما سويت فيني من جفا وحقوق=لكنك من قسا قلبك تحاول تمسح أخباري
حضنتك حلم قبل القاك يا غيثٍ(ن)زهاه بروق=رسمتك بالقصيد وزانت الصورة بلا أحباري
تمنيت الليال تقريب الغالي بليا عوق=وبشرح له بقايا لوعتي في وقتنا الجاري
بعد مكًن سهمه وصابني في نابض الخافوق=وسبب لي جروحٍ(ن)ما تطيبب بطب او قاري
لنا رب العباد وكل حق ولو غدا ملحوق=بسلي خاطري عن مشغله في نظم الأشعاري
لعل الحظ يرمي به وأذكره الجفا والبوق=لأجل يعرف بما سوى بروحي وأكشف أسراري
يحسب إن الزمن دايم بصفه عاشق الطاروق=نسي مدري تناسى ماكتب في لوح الأقداري
يقولون الأصابع ما تساوى بينهن فروق=وهذا ما حصل يابدر ياللي بالدجا ساري
تمر سنين بعد سنين حالى يا حلا مسروق=أعاني من هواك الويل صباحي وسماري
تعب خلي من الراحة وأنا اللي للعنا مسيوق=ويبكي من حلومٍ(ن)هينة مرته طياري
تعب شوقي من الؤلؤ وعقدٍ(ن)زين المنتوق=ويشكي من جروحٍ(ن)جمرها من قلبي الناري

صح لسانك مدد ماهو عدد



قصيدة وافية


تقبل الود

صح لسانك يا مبدع القوافي


تقبل مروري

صح لسانك مليون ولا يكفون ابدعت فيما نظمت

صح لسانك مدد ليس عدد



كعادتك مبدع


لك التحية

الله الله



دائما مبدع مميز


صح لسانك

صح لسانك مدد


كعادتك مبدع مميز


تقبل التحية

صح لسانك ملياااااار


ابداع معهود


لك التقدير

صح لسانك واعتلا شانك


تقبل مروري

صح لساااانك

يعطيك العافيه

كلمات في قمة الروووعه