السلام عليكم ورحمة الله وبركاته
هذه قصيده القيتها في امسيه شعريه في حفل زواج الشاب / فهد حمدي المعبدي
الذي أقيم في قاعة ليلتي
ليلة الجمعه الموافق 22 / 7 / 1432 هـ
ضمن أمسيه شعريه أقامها مجموعه من الشعراء ومنهم :
الشاكر أبو سامي & سليمان السهلي & مطلق بن طليق المعبدي
& عبدالله جابر المعبدي & عادل حامد البلادي & مقبل مساعد المعبدي
سلام الله سلام معطره بالورد والكادي = على من جابته دعوة معزبنا وداعيها
سلام من الهجوس إللي لها مصدر وميرادي = هجوس الشاعر إللي ينتقى في أرقى معانيها
وأبارك للعريس إللي جمعنا ليل الإسعادي = فهد حمدي عريب الجد فارسها وراعيها
عسى الله بينهم يجمع بخير بكل الأبعادي = ويصلحهم ويرزقهم ونيتهم يسويها
وأرحب بالضيوف نيابه عن حمدي البادي = ولد مبروك يوم انه بدا في أعلى مراقيها
وأنا حربي وهذا ماقفى مع ضمن الأجوادي = وحفظاً للصداقه في أول الهجره وتاليها
بعدها ياهجوس سيري في كل مسنادي = على حره تدرهم بالسنع والرب مهديها
تحليها سحابه ممطره في جوها الهادي = على ذيك الديار المسنيه بالغيث تسقيها
غنيمه للكبار ومفرحه فلذات الأكبادي = تناقل ذكرها البدوان والعساس يوحيها
وأوردها على العد الرهى بزود وعنادي = وأصدرها بعد ماتبهج الجمه وترويها
وأعرجها على تونس ومصر ونهر بغدادي = عساها تأخذ العبره من الخبره وتعطيها
وتهديها على كل الشعوب بموجة الرادي = وتوصيها التلاحم مع قيادات تعليها
وحنا والله انا في أمان وخير يزدادي = بفضل الله وثم آل السعود ونهج بانيها
حبيب الشعب عبدالله على منهاج الأجدادي = على نهج الشريعه مايغير في مباديها
وندعي له بطول العمر والصحه والأمجادي = ومادمتم خير أنا بخير وفكروا فيها
كلام ردده حتى سمعه اصديق ومعادي = صداه أزعل عداه وصار يغضبها ويوذيها
أبو متعب عسى الله يحفظه عن كل الأنكادي = وعسى الله يحفظ بلاد السعوديه وأهاليها
وأبختمها بذكر الله وذكر محمد الهادي = عدد نبت البراري والصلاة إللي نصليها
التميز
الإهداءات
تهنيئة
