مشتاق أشوفك وأسمعك وأتحضنك=مشتاق أحطك بين كفي ونحري
شوق(ن)أحسه لو تحس به جننك =لكن ما حسيت به كيف تدري
الحال لو شفته من الهول يحزنك=يتجاذبه شوقي ويمنعه صبري
ما باقي الا قلب بالنبض يعلنك=حتى غدا حبك مع الدم يجري
والله كن القلب يا حبيبي منك=الله زرعه بقدرته جوف صدري
القلب قلبك والجسد صار مسكنك=ملكتني كلي بروحي وفكري
الله جمع روحي بروحك ومكنك=مبروك لك يا مالك(ن)كل أمري
ماني برايح عنك لو قلت لي عنك=يا من هواه بداخل الروح يسري
ما كني الا صرت بالكون موطنك=تبيعني بالصــد وأعـــود وأشري