مساكم الله بكل خير
هذه الأبيات أقدمها هدية لكم هذا المساء
علها تروق لكم
يا ملاك(ن)في فؤادي منزلك=لو عطيتك كل عمري ما كفا
عن جميع الناس قلبي فضلك=ما يجازى بالوفا الا وفا
الله اللي بالمحاسن كملك=عُشر حسنك كل حسن اليوسفا
فيك حسن الحور في هيبة ملك=من يقول بغير هذا ما نصفا
يشهد الله ما خسر من دللك=أنت تستاهل تكون المترفا
خذ حياتي والك مني مسألك=سو ما يرضيك فيني وإسرفا
يا بعد عمري وربي مازعلك=دام حبك في عروقي لفلفا
أنت بعيوني ملاك(ن)مجملك=أعشقك بالجهر وأكثر بالخفا
الله اللي فوق روحي مرسلك=عندك القا برد روحي والدفا
إيه أحبك والهوى مني الك=كن قلبي طير والك يرفرفا
يا ملاك(ن)في فؤادي منزلك=لو عطيتك كل عمري ما كفا