السلام عليكم ورحمة الله وبركاته
هذي الابيات ردي على الشاعر / ابن هليل
اتمنى ان تحوز على رضاه
واعجابكم
يامرحــبا من قلـــب ولسـانن نظـــــــاف *** بالشاعر اللي لاســــبح يغرق اغريق !!
جتنـي بيـــوتك قافيــــتها علـــــى (آف) *** وشطـــرها الثاني مقـــفا علــى( آيق) !!
جــزلة.. وشــاعــرها محــــنك ونــــــواف *** ماينزل الا بالجـــــــبال الشـواهــيق !!
وافـي وابن وافـي وطيــب ومضــــــــياف *** ذبايحه للضــــــيف دايم معالـــــــيق !!
فيها من المعنى لو يشاف مانشـــــاف *** مايشــــــوفه الا من ينــــاظر بتـــدقيق !!
لو شـــافهـــــا فـــي كل ليــــلة بالالاف *** ماحدن درى وش بالصدور المغالــيق !!
صدقت في ماقلــت في كل الاطـــــراف *** الا شطر عيني لناحيـــته تويـــــــــق !!
وانا ليـا نيشـنتها صبـــــت الاهــــــداف *** وفريســــتي من زرقة الرمح ماتفيق !!
ثقّل حمل خفّف حمل مامن خــــــلاف *** دام اثقل حــــمولك مثل حمل الابــريق !!
شـــاعر فكر ولاني بشــــاعر غــــــلاف ***معي قصيد وعيني لقمة طويــــــــــق !!
وان طار سرب الشعر من كل الاطياف *** تشوفلي في خارج السرب تحـــلــــيق !!
ماقصدي اكسبه غلا عيون وغــــــداف *** ولاقصدي اكســـبه قلوب العشاشـــيق !!
واذا تبيــــــنا بالشـــعر مـــثل صــــياف *** شلها وانا بعــدك بشـــيل الطــواريق !!
شرقبــها.. غـــــربها .. وانـــت طـــــوّاف*** ماهمني بالشــعر تغريب .. تشــريق !!
عيني لوجه الله ومن غيره .. ضـعــاف *** من دون توضيحن ومن غير تعليـــق !!!
ابدع بقيفانك.. وانـــا (مبدع القــــاف) *** ونشوف من يتعب من الحمل ويضيق !!
وسلامتكم