البارحه يا روح روحـي خنجـر عتابـك حديـد=تومي بها وليا اسفهت بين الضلوع اركيتهـا
حكم الغـلا خـلاك تطعنـي وانـا اللـي مستفيـد=فديتـك انـت وكــل طعـنـه مــن يــدك فديتـهـا
محبتـك تجـري بدمـي مـن وريـد الـيـا وريــد=بيـن الضلـوع العـوج بغشتهـا وقلبـي بيتـهـا
لـيـنـت لـــك قــلــب (ن) مايـلـيـنـه الـحـديــد=ولديت لـك عيـن (ن) لغيـرك مـا بعـد لديتهـا
وغنيت فيك النادرات الشـاردات مـن القصيـد=اللـي تثيـر الصمـت بالجمـهـور لـيـا غنيتـهـا
ونشرتـهـا بـأقـرب مجـلـه للقـريـب وللبـعـيـد=على غـلاف المختلـف كـل (ن) قـرا منشيتهـا
عقد (ن) يليق بجيدك اللي فارق عن كل جيد=وشفـه اللـي هرجهـا معسـول يـخـرب بيتـهـا
لا قلت اريد وقالت امر قلت مدري ويش اريد=قالـت عـلامـك قـلـت انــا بغيتـهـا واخطيتـهـا
مره من المرات في ليـل (ن) نسانيسـه جليـد=هزتـنـي الـذكـرى وسرتـنـي وانـــا سريـتـهـا
مدري بطل مدري خبل مدري ذكي مدري بليد=ميـر المهـم ان العـنـود الـيـا دعتـنـي جيتـهـا
وأن شفتها عقب التعب والليل والبرد الشديد=اقــول يــا لـيـت اليـالـي كـلـهـا يـــاا ليتـهـتـا
مــرة شقـاهـا لشـقـي ولــذة سعـدهـا لسعـيـد=وألـذ منهـا الجمـره اللـي فـي يـدي ضميتـهـا
الشاعر:سلطان الهاجري