قصيده للشاعر محمد الرحيلي بعد انهيار سوق الاسهم السعوديه

لاياضحايا سوق الاسهم حضروا عند الملك ** انخ الملك نخوة صويب المعركه تال النهار

قولوا يابو متعب ترا ثلثين من شعبك هلك ** بعد انهيار السوق من هارين اشد الانهيار

رحنا سمك في بحرلو مافيه بحر ولاسمك ** ولـ ارزاقنا ميعاد في حلوق التماسيح الكبار

نبا نصيد وفالنهايه كلنا صيد الشبـــــــــك **هذا الدمار الشامل اللي ما يقارن به دمار

رحنا وطي رحنا طعام جحوش مالا نمتلك ** بلوا مصبه كارثه توخذ بعين الاعتبـــــــــار

احد(ن) وقف واحد(ن) برك مثل البعير ليا برك** واحد(ن)فرك واحد(ن)يسحب فروته حول المطار

واللي ضحك تراه يضحك بلاشعور لياضحك**تلقاه بعد ايام يكتب بالقلم فوق الجدار

ماعادندري وش حصل لكن شي (ن) مشترك** يحول اليسرا يمين يحول اليمنا يسار

واللون الاحمر نكرهه كره قوي مافيه شك ** يصيبنا هستيريا واحباط لياشفنا الحمار

ندور اللون الاخضر حتى على جنوب التنك**نجمع الجرجير والكراث من سوق الخضار

حتى ليا شفنا الطماط نحس شي من الضنك**يازين لون الفلفل الاخضرويازين الخيار

وان كان ما انحلت قضيتنا بعد هذا المعترك** ميتين فالميه دعاويناانهيار(ن) بانهيار

انخواولي العهدسلطان السعدعضدالملك**يفتح لنا فرعين فالبطحاءلمستشفى شهار



طلبي من اللي بعدي قصيده عن بر الوالدين