تفاعلا مع حدث منتظر الزيدي
اليكم هذه الأبيات مساهمة من عربي لموقف عربي
عاش العراق وعاشوا قرومه=وسلمت يمينك أيها الزيدي
سلمت يمينك جات محكومه=الله يفلك لك من القيدي
لو صابت الجزمة بزلقومه=على الخشم طبت بتحديدي
أهنت راس الكفر مع قومه=جزمتك والله جابت العيدي
حطمت بوش وضاعت علومه=يا منتظر يا سيد السيدي
يا ليتها يا شيخ ملغومة=وحطيتها في مارد الصيدي
خليتها تنسفه بهدومه=كان الدوا لأوجاع بكبيدي
تسوى مية صاروخ بهجومه=وأنته تمجد حي تمجيدي
لكن هذي طيرت نومه=خله يحرم اسم تهديدي
رميتك هذي هدت عزومه=من بعدها ينقص ولا يزيدي
نغصت فوقه باقي حلومه=اللي سنين يقول ويعيدي
خله يصحح باقي فهومه=عن العراق الحر يابيعيدي
اللي فعلته طير البومه=نكدت فوقه شر تنكيدي
الله لا يعيده ولا يومه=هذا خراب البحر والبيدي
خله يرحل باقي رخومه=ماهو محصل بأرضنا فيدي
عاش العراق وباقي سهومه=في كل يوم يجد تجديدي