كما عودناكم في كل مساء
هذه الأبيات من الفرن طازجة
((لا طازج الا الطازج))
سر ياقلم وأكتب على صفحتي همس=نبض الفؤاد اللي جديدة طعونه
خل العيون تشوف لو بعض مندس=من خافي الأعماق شكله ولونه
عاتب عيوني بسبة الجرح والمس=نظرتك للي ساحرات فنونه
الجادل اللي دمها يشبه الفرس=لكن حال الحظ والبعد دونه
أبو عيون ناعسة ذابلة خرس=الله من سحر سكن في عيونه
أبو جدايل لو رماها على الشمس=بيصير بالدنيا ظلام ومهونه
تكـسف زمن ماعد تشرق على الإنس=حتى يحرك عن سناها قرونه
ياجادل النهرين غمستني غمس=في بحرك اللي ثائرات جنونه
حمستني بالشوق يافاتني حمس=ياكيف ترضى لي بذل ومهونه
بعد لحست العقل ياجادلي لحس=هون على قلب(ن)كثيرة شجونه
خلك معي بالدرب لاتمشي العكـس=إعزف معازيف الغرام ولحونه
إغرس ورود الحب في داخلي غرس=حرك مشاعر خافقي من سكونه
كانك تحس بلوعتي مثل ماحس=أكيد بلقى في طرفكم مرونه
لكن مدري كيف تشرح لنا الدرس=تظهر لنا بعد القساوة ليونه
وليا تعبت من الهوى قول لي بس=مليت من هذا الطريق ومجونه