جديد متجدد
يـاصاحبي يـاللي تجيني بالأحلام
الــروح مــن زود الـمـعاناة ذابــت
سـلام مـن شـاعر لـه شـهور مانام
مـحاجر عـيونه مـن الوجد شابت
عـشرة شـهور وكـنها عشرة أعوام
مـن يوم غبت أحلام الأيام غابت
لا زلــت تـذكـر يـاغلا ذيـك الأيـام
وإلا نـسيت وروحـك الـيوم تابت
أنــا تـرانـي مـانـسيتك يــا بـسـام
جـروح قـلبي مـابعد مـنك طـابت
قـلبي بـعد غـيبتك يامشغله صام
عن كل زين وشين والنفس هابت
هـابـت نـهايات الـمحبة والأوهـام
مـافيه عرق ٍخلف الأضلاع سابت
الـقـلب كـنه مـنقسم عـدة أقـسام
وأنـا لا زلـت بـرجوة الوصل ثابت
أذكـرك فـي مكة ولن رحت للشام
أفـكار شـعري فـيك مـايوم خابت
يـاتاج كل الحسن والذوق ووسام
عـلى صـدور اللي بالإبداع صابت
أتعبت من شأنك جديدات الأقلام
سـود الـليالي غـيبت شيء جابت
يـاصاحبي يـاللي تجيني بالأحلام
الــروح مــن زود الـمـعاناة ذابــت
ⒿⒶⒷⒺⓇ