رثاء في فقيدنا الشيخ معيوض دبيان بن هليل
رحمه الله

مجزعني اللي مجزع طوال الأعناق
دمــي ولـحمي درع جـنبي عـضوده
فـرقا شريك الدم جرح(ن)بالأعماق
لــكـن عــلـى الله مـرتـجـانا بـجـوده
يـغـفر لأبـو مـعتوق لا جـفت أريـاق
جـــزاء لــمـا قــدمـه عـالـم جـهـوده
ســاق الـقـدم لـلخير مـاخاف عـواق
مـايـشـتكي مـــن حـــر وإلا بـــروده
قـــاري كــتـاب الله وعـابـد لـخـلاق
يـصـلـح لــوجـه الله كــل(ن)يـروده
حـافظ عـلى سمعة مشايخ وميثاق
مــاطـاوع الـجـاهـل بـنـقصه وزوده
حـكـيم عـنـد الـحـكم مـاهـو بـزهاق
يغرف بحر من عرف حافظ حدوده
مـاتـسمع الـزلـة لـيـا خـاطـره ضــاق
لـكـن خــذاه الـلـي خـذا قـبل عـوده
حـكم الـقدر مـاضي ولا مـنه مدراق
والـخـير بـاقي والـخصال مـحموده
الـبـيت مـبـني لـو بـدى فـوقه رواق
مـحد(ن)كشف سـتره وبيح سدوده
يالله يــاعــالـم نــهــايـات الأفـــــاق
يـامـحصي(ن)خلقه ودايـم وجـوده
تـكـتـب لـنـا جـمـعة بـجـنتك يـابـاق
يـاسـيّـد(ن)مـافيه غــيـرك يــسـوده

جابر بن ماطر الثبيتي
القاهرة ١٤٤٥/١٢/١٤