إحصائية العضو
وجدت شيلة مطروحة بقسم الصوتيات والقصيدة يبدو أنها للشاعر فلاح القرقاح نقلها لنا العضو نجم العرب على الرابط http://www.alqwafel.com/vb/showthread.php?t=19196 دفعني الفضول لمحاكاتها لأنها ذكرتني بفترة مرت علي أيام مقانيص الجبال الوعرة اليكم الأيبات يو تيوب وكتابة يانجم ذكرتني بأشيا امتناسيها=ذكرتني بالجبال ورفعها العالي عسى السحاب المروح عصر يرويها=ريض غشينه يسقيها بهمالي ذكرت وقتٍ(ن)مضى كنا نعديها=ياما على شمها غنيت يا لالي أسرق عسرها بخطواتٍ(ن)مهديها=مرٍِ(ن)بصحبة ومراتٍ(ن)بها لحالي خطوات الأقدام بالخبرة مقديها=ما أفكر بخوف وإلا حال يجرى لي أطوي شموخ الشوامخ مع مطاويها=المشي فيها ولو كايد بيحلى لي في قُنةٍ(ن)عالية صعبه مواطيها=أرقب مراقيب حرٍ(ن)ماأبغي ظلالي النفس في جوها الصافي ينقيها=أطلق عنان الفكر وأجر موالي وليا طرا لي هجوسٍ(ن)من مواليها=لاليت طاروق باللي يخطر لبالي أحيان أغني لحون لناس مغليها=وأحيان أغني لحون لشيمة رجالي الجو لامن صفا روحي يصفيها=إن كنت بالناس والا بالخلا الخالي واليوم أحس الليالي في تواليها=تقصر خطانا عن جبالٍ(ن)وترحالي أيام زلت صعيب اليوم نحييتها=تغير الوقت والمنزل بمنزالي ما باقي إلا سوالفنا ونرويها=تقعد لنا سالفة في قادم أجيالي يانجم ذكرتني بأشيا امتناسيها=ذكرتني بالجبال ورفعها العالي