الضيق في صدري كسر حاجز الصمت
..........فجر براكيين الكلام وحكاني



ما طاب لي خاطر حسافه ولا نمت
..........كله سبايب همي اللي حداني



البارحه مليوون مره تألمت
..........داويت جرح وبان لي جرح ثاني



ماهي غريبه لا أنجرحت وتبسمت
..........دام الوفا ماله مكان وموانــــي



والكلمه اللي لا طرت بالخفا قمت
..........لا جيت بنطقها يعاند لساني



حار الكلاام بداخلي ماتكلمت
..........كن الكلاام يزيد هم المحاني



أشياء واجد تو منها تعلمت
..........أشره على نفسي وأعاند زماني



درس الزمن خذيت منه وتفهمت
..........ياكثر ما أخذ مني ولا عطاني



أبووس راسك يازمن لو تكرمت
..........كافي ولك مني جزيل أمتناني



أثر الكلام أحيان يغتاله الصمت

..........وأثر اللسان أحيان ماهو لساني



راقت لي