أسعدكم ربي أينما كنتم
اليكم أبيات كيبوردية علها تروق لكم
وينه اللي من غلاه أشوفه أغلى من عيوني=وينها اللي مالكه روحي وفكري من غلاها
ليا ذكرت إنه بعيد يجن يا عالم جنوني=ليتها عندي قريًب يسعد القلب بلقاها
ما أتخيل إنها في هذي الدنيا بدوني=يا عسى روحي وكل اللي ملكته من فداها
سيدة قلبي وشعري والمشاعر ما تهوني=غالية وأغلى من عيوني عسى ربي يحماها
ساكنة بين الضلوع بقلب عاشق للفتوني=كل نبضة بالعروق تصيح وتدور علاها
يا هوى بالي وروحي والتمني والشجوني=لا تطول غيبتك روحي بعادك قد ضناها
أشتكي روحي لروحي والعرائض في لحوني=كل كلمة في قصيدي تطلب الولف وتباها
في جموح الفكر الاقيها وتجمح في سكوني=مشغلة فكري وشعري ما رجا قلبي سواها
قصرها روحي وتاج الملك قلبٍ(ن)مايخوني=وافيٍ(ن)للي حلا الزينات ما ياصل حلاها
كاملة من كل زين وريني فيها منه لوني=الأدب والذوق والإحساس والحسن زهاها
وينه اللي من غلاه أشوفه أغلى من عيوني=وينها اللي مالكه روحي وفكري من غلاها