السلام عليكم ورحمة الله وبركاته
اليكم هذه الخاطرة الشعرية السريعة
مثل ما يقولون كيبردية
علها تروق للبعض منكم
فديت اللي يعاتبني ويطربني عتاب الزين=أحس بلوعته لأجل الغلا ما بيني وبينه
هوى بالي حياة الروح نبض القلب نور العين=سكن فيني غلاه ونبض قلبي في شرايينه
أحبه وأعشقه وأشوفه أغلى باقي الغالين=سحرني بالدلال اللي يجيد الغرو تفنينه
الا يا بعد روحي يا غناتي يجمل الحلوين=تطمن ودنا يكبر وأنا عندي براهينه
أحسك قطعة مني و ودك مكنه تمكين=خفوق(ن)ما سكنه الا غرامك عذب تلحينه
ملك عقلي ملك فكري والا ياليتكِ(ي)تدرين=بحالي في غيابك كيف صار الحال ياشينه
وأنا أدري حالنا من بعض هذا حضنا الأثنين=يجاذبنا غرام الشوق يا قسوه ويا لينه
غرامٍ(ن)ما عرفه الناس بالماضين والتالين=غرام(ن)ما شعر به غيرنا وأنتي تعرفينه
تذوب أرواحنا بحلامنا وأعود وتعودين=نجدد لهفنا نسقي زهرنا في بساتينه
تعاتبني غلاي اللي لها قاس الفؤاد يلين=وأنا لولا الغلا ما كان لان القلب في حينه
فديت اللي يعاتبني ويطربني عتاب الزين=أحس بلوعته لأجل الغلا ما بيني وبينه