أكبر مصيبة بالزمن غربة الـروح=حتى لو إنـك عنـد منهـو يـودك
ليا صار ما تبغاه ماهـو بمسمـوح=والعاصفة تاقف مع الوقـت ضـدك
تكون حي وداخلك حـس مذبـوح=طول العنا والضيم والجـور هـدك
تضحك قهر والقلب بالجوف مجروح=وليـا تمـرد هاجسـك قسـر ردك
هم الليالي دوم في صـدرك ينـوح=لو جيت تفلت منه بالغصب حـدك
دامك غريب إنسى مسرات وفـروح=سـج العمـر والله يخلـف بكـدك
لو كان دمك داخل عروقـك يفـوح=إحـذر تبيـن للمخاليـق ســدك
سوق الفكرلو كان ماشفت مصلوح=على حصان الصمت ما فيـه قـدك
لا تركب أمواج التذمر علـى لـوح=تغرق وتبقـى سيرتـك دوم بعـدك
خل الأمل قـدام الأعيـان مطـروح=وإعمل بجـد ولا تقصـر بجهـدك
لا تنظر لقاع الجبال ناظر سفـوح=سيف الكسل غـدار لا لنـت جـدك
صبرك على غربتك أخير من بـوح=تفرح بـه العـذال ويضيـم بـدك
أكبر مصيبة بالزمن غربة الـروح=حتى لو إنـك عنـد منهـو يـودك

تسلم يمينك ماهي غريبه عليك