السلام عليكم ورحمة الله ..
كيفكم ياحلوين..؟
في مره سألتوا نفسكم
وشلون تعرفون إذا المكياج ومستحضرات التجميل انتهت صلاحيتها ولا لأ ؟!!
مانتبهتوا ان كل مستحضر مرسوم عليه صورة علبه مفتوح غطاها ؟؟
شوفوا الصور
هذا مستحضر تقشير البشره Unitone4
صلاحيته تنتهي بعد 6 شهور من فتح التيوب
تصدقون حتى العطر تنتهي صلاحيته وريحته تخف بعد 36 شهر من فتح القنينه
واقي Chanel ينتهي بعد 18 شهر
ينتهي بعد 9 اشهر من فتحها
حرفMيعني الشهر والرقم عدد الشهور
اللي يقهر لما اسأل اللي تبيع تقولي المستحضرات ماتنتهي صلاحيتها
ومو بدوم تلاقون هالعلامه على المنتج
في بعد المستحضرات يحطون هالعلامه على الكرتونه
فلازم تنتبهون
اوقات ماننتبه للصلاحيه ولا نتذكر متى شرينا هالمستحضر
ودوم تصير معاي ولا اعرف اذا هالشي صالح للاستخدام ولا لأ
بس الحين عرفت اميز
اول شي لازم نشم الريحه
اذا الريحه تغيرت معناته ان المنتج غير صالح للاستخدام
والشي الثاني بالنسبه لكريمات الاساس
الحين وانا اصور الاغراض لقيت كريم اساس من 3 او 4 سنين
لاني ماستخدم الاساس فيتم عندي سنين ولا ادري عنه
فتحته لقيت الريحه قاتله
حطيته على بلاستك وخليته كم دقيقه وبعدين حركته يمين ويسار
حسيت انه تشقق وتفجج وطفح الزيت
وشوفوا شلون شكله غريب
اللي على اليمين هذا جديد اما اللي عاليسار
شوفوا شكله غير صالح للاستخدام البشري
استغرب من بنات يقولون انهم يرجون العلبه عشان الزيت يختلط مع الاساس ويستخدمونه
وهالشي وايد يضر البشره
حتى الروج تنتهي صلاحيته انا ماحطيت الصور لانها كلش مو واضحه
لازم تنتبهون للمكياج
حرام تتعدلون لكم ساعه بالمكياج وبعدها بشرتكم تخترب سنين وتدورون من دكتور لدكتور عشان تعالجون هالمشاكل
م/ن