يا مرحبا رحب ما خصه ولا حده بالعـزوه اللـي قريـب ونـازح الديـرهمن هاجس(ن)يازن المعنى على كيفه وإن جالنا معتدي والله مانهابه

السيف بالكف وقت الحد بنحـده للخصـم والا علـى ربعـي فـلا ديـرهواللي يقصر يترحيبه على كيفه وقـت النهايـب لـك الله يغـدي نهابـه

دام البقـا يـا وفـي(ن) يوفـي المـده بالشاعـر اللـي عـلـى الهـاجـس نـقـر زيــرهمـن فـارس(ن) فالمواقـف نومسـه سيفـه اللـي بوقـت الشدايـد بــان مضـرابـه

مـن دار سيـفـه عـلـى ربـعـه وجــب مــده لله مايـجـرع الـمـا مــن بــرد زيــرهوان هاج موج البحر ما احدن قرب سيفه واللاش لو هو ضري بالخبث مااضرى به

طال العمر والبحر ياصاحبي عده لا تقرب الموج وإحذر من محاذيرهيا شاعر(ن)بالبحر تغرف مغاريفه مثل الزلامي ليا لالى علـى حرابـه

والتاجر اللي غلط في سلمه وعده كيف البصيره بعد قافي محا ذيرهطاح المطر يابدو منهو بغا ريفه زان الحيـا والمطـوع جـوف محرابـه

سبـحـت فالبـحـر وانــا للبـحـر قــده سـبـاح مـاهـر ولا تفـجـع بوابـيـرهوالحوت في غبته عندي مخاطيفه رجل جري فالمجابه مااحسب حسابه

ياراعي العلم لاجبـت الخبـر قـده نعـرف بنـي الحـارث ووادي بـوا بيـرهوالبـرد ركـب ودور لـه معاطيـفـه والادمــي عـنـد ربــه يـاجـد حسـابـه

الرجل معروف من فكره ومن سده والسمن معروف لو يخلط على غيرهومن خش في داخله ظنه على خيفه أقـل شـيء مـن الظنـات يـدرى بـه

لا تعترض سيـل طافـح مـن ورا سـده لا تقـرب ثعـول نـون جاتـك مغيـرهومن حج وأمسى منى لا مر مع خيفه العـج فوقـه تـرى محد(ن)بيـدرا بـه

ترى الجمل لو تعصوى يطرح العده ويصير جماله من الهم فـي حيـرهوالصقر معروف ماتجهل تواصيفه والرجل معروف لو هو يفتل اشنابه

هذا كلام (ن) وعده ياولد عده واالي نزل حيرته يعـرف هـوى الحيـرهوالنجـم ابـو بـرد قفـا وابتـدى صيفـه واللـي شنـا ربعتـه لابـد نشنابـه

بنشدك يا صاحبي والعلم لي وده قس النصارى هجر داره علـى ديـرهما عاد ينشد ولا شفنا لهم شيفه مدري وش اللي حداه ويش وصى به

واللي يودك وجب تقديره تـوده ومـن دار لـك القفـا مقفـاك لـه ديـرهوالزاد معروف من نوعه ومن شيفه وليا توصى بكـم بالله توصـى بـه