يا مرحبا أقلط على الفرشه=وأبشر مواجيبك لأكملها
في حلة ماهي كما العشه=على عزاز وعز عاملها
أعز ما بنشوف هالخشه=اللي يزعلنا يزعلها
دروبكم بالزل منفرشه=اليا مكانة محد ياصلها
من بعدها يا طيب البشه=قود السوالف ثم عجلها
ويجيك مني رد ما غشه=مثائل(ن)فكري مفصلها
على النقا ماهي بمنخشه=الطيبة تُعرف من أولها
مثل السحائب أوله رشه=والسيل يتبع غزر وابلها
بسقيك بالفنجال والغرشه=الطيبات اللي تفضلها
غير العسل والسمن بالكبشه=ثم الصحون بحول نحملها
ما حولنا لجة ولا دشه=الا مثايلنا نتمثلها
ما حافها خامل ولا نشه=والطيبة نجهد ونفعلها
المخ ما طعمه كما الكرشه=حتى بشكله ما يماثلها
واللي يحب الكرش والفشه=لو جابها فوقه بننطلها

ابــــــــــــداع جميل وااااااااائع

بيض الله وجهك

لك مني جزيل الشكر والتقدير

تقبل مروري

صح بدنك ولا هنت


سعدت بتواجدك وردك الطيب


لك تحيتي

صح بدنك



الله يبارك فيك


سعدت بردك


لك تحيتي

بارك الله فيك


كلك ذوق ما قصرت


لك خالص تحيتي