ما عرفت الهفو والزمه=وازن النيشان لأهدافي
الفكر والقلب ما همه=ثابته في كل ميقافي
لو جميع الناس ملتمه=ماش قاف ينافس لقافي
دائم(ن)راقي القمه=وأتغنى بكل محرافي
بنثر الطاروق والمه=لأجل أنا قليله أوصافي
عاصب(ن)للراس بالعمه=قدم ماشي منظر خلافي
ما شكيت بيوم من غمه=لو تغطى الأرض بالسافي
ما حسبت حساب للأمه=بادي(ن)في راس مشرافي
ليا نويت أخم لي خمه=قول يا ستار يا كافي
دام قلبي جاري(ن)دمه=والعروق تحرك أطرافي
برتوي من صافي الجمه=من قراح(ن)عدي الصافي
لو يضيق العم والعمه=ماني مغير لأصنافي
كم كويت كبود منسمة=ما لقت بالطب من شافي
لو بحط الموت في كمه=ما سمع أحد(ن)ولا شافي
بين كسر ورفع بالضمه=بينه والخافي الخافي
ما عرفت الهفو والزمه=وازن النيشان لأهدافي

عاصب(ن)للراس بالعمه
قدم ماشي منظر خلافـي
ابن هليل

اشكرك على القصيده الر ائعه

كعادتك مبدع

تقبل تحياتي

سلمك الله


مشكور على المرور والرد الطيب

ما عليك زود بارك الله فيك


سعدت بردك الطيب


دمت بخير