وفركلامك ياكثير المراسيل=وش له نضيع وقتنا بالرساله
كانك تبي وصلي تدل المواصيل=كلن يبين لهفته في وصاله
الكذب ظلمه والصراحه تساهيل=والدين يسعد من يحطه قباله
والحلم حلم البنت من دون تفصيل=فارس تكون الفاتنه في خياله
يجي وياخذها معه في ظهرخيل=والاعلى جكور ومايل عقاله
إن كان علمك زين هات المحاصيل=وإن كان عكسه فكني من هباله
ماني من اللي عندهن شات وإيميل=ولاني من اللي يقبلن الزماله
ولاني من الي تاخذ الحب تمثيل=تضحك على سالم وعمه وخاله
أنا الهنوف اللي ترد الأقاويل=لابلبلت بعض النفوس بخباله
بنت الرجال الطيبين المشاكيل=اللي لهم عن ساير القوم طاله