يالله ياللي عالم بالخفيات=يالواحد المعبود ياعالي الشان
ياواحد بامرك تحل الصعيبات=يامنزل سورة تبارك والانسان
يارازق الاحياويامحصي الاموات=بامرك يكون الشي لاقلت له كان
هون علينا سكرة الموت لاجات=ويوم الحساب اجعل كتبنا بالايمان
هاضت هجوسي بالبيوت العذيات=من نظم ابو فواز قول وبرهان
صرف الذهب فيها وصرف الجنيهات=والقافيه بالسبك والحبك باتقان
وزين معانيها ورتب لها ابيات=وسمى القصيده شيخة شيوخ ثبتان
الاد ثابت لصة(ن) مع صريرات=بيت المعزه ثابت فوق سيسان
الاد ثابت عزنا فالمهمات=زحول الرجال اللي لهم فالعلا شان
ربعي هل الطاله سيوف صقيلات=يوم اعتراك الخيل في كل ميدان
اهل الوفا وافين في كل قالات=يشهد لهم بالطيب حضر وبدوان
الحل عند شيوخهم والقضايات=تدري بها السبعان وشيوخ مطران
وكل القبايل في بعيد المسافات=شبابهم يدري من وصاة شيبان
في دارهم مثل الجبال المنيفات=تاريخهم يشهد لهم عبر الازمان
ربعي حصون العز في كل حزات= يذري ذراهم يو روغات الاذهان
عدوهم يون فالليل ونات=ويفز من نومه فجيع وفزعان
ليا طرى له فعلهم جض مابات= يوم اشتباك الخيل عج ودخان
فالسيل فازوا بالعلوم النقيات=يستاهلون المدح في كل الاحيان
يستاهلون اهل العزوم القويات= اهل الكرم والطيب ذربين الايمان
والطيب بين الناس قدر ومقامات= والطيب تاج وللرياجيل عنوان
وابدا بيوتي في رجال المهمات=اللي لهم في صفحة المجد عنوان
سته شيوخ ومن رجال القيادات= كل(ن) على ربعه عزيز وسلطان
من دون قاصر فالرجال البقيات= كل(ن) وله مقدار من دون نقصان
الاول ابن نجم شيخ الذويبات=ابو عتابه من طحاطيح عتبان
رجل حكيم ولا يحب المجاجات=يمشي على نهج الشريعه وقرأن
سيرة حياته كلبوها حميدات= عزيز نفس وفالرياجيل ذيبان
ليا وقف مثل الجبال المنيفات=له وقفة(ن) ماهي تقدر بالاثمان
ومعه معيوض عضد في كل الاوقات=بصمات عرفه جات في كل ديوان
الصلح ديدن له على كل وجهات= ياما لفوه شيوخ مشي وركبان
ياما بصلحه فك كل الشكالات= رجع حزين الصدر بالطيب مليان
ومقبول بن حامد علومه قديات= شيخ مجرب من مناجيب شيخان
شيخ عصامي ينعبي للمهمات=عقله رزين وهرجته دوم ميزان
شيخ عزيز ولا مباديه هزلات= هذا الصحيح ولا تقولون غلطان
له بصمة بالحق في كل وقفات= تنشر له البيضا على كل الاعيان
حيثه قدير ومن رجال الوجاهات=الله يختم له بمسك وريحان
والشيخ ابو مشهور زبن الونيات=يستاهل التمجيد من قلب ولسان
شيخ عزيز وله هداف بعيدات= شيخ الدراريج المسمى كحيلان
من لابة تعرف نهار المثاراة=الاسم واضح مثل شعله ودخان
قلبه نظيف مايشيل الحزازات= عز الله من مناجيب ظفران
ليا نصيته فالظروف القسيات= عطاك وجهه عنك مادار الامتان
دايم ورى الهقوات ويمد مدات= عيد على اسمه عيد في كل الاحيان
وجويبر الوادع عزومه قويات= دايم على ربعه حريص وشفقان
رجل عليه من المروه علامات= له سمعة تشرى بغالية الاثمان
رجال دين والتقى له سجيات= من هو نصاه يعز حاشا ما ينهان
ذباح حيل فالليال الشديدات= راع الكرم والطيب ماصك بيبان
والشيخ ابن طيب رفيع المقامات= شيخ الغروب اللي لهم عز وكيان
شيخ حكيم وله مبادي حكيمات=للعرف والمعروف كيال وزان
رجال متعلم بعيد السياسات= فالمجد والعليا له حصون واركان
رجل ليا صكت عليه الملمات= يرسي كما ترسي على الارض ضلعان
له في سبوق المجد صوله وجولات= وقت اللقا صارم كما السيف شامان
عد الروى يروي كبود ضميات= بالعرف والحكمه روى كل عطشان
عند التسامح له كفوف نديات= يدمح خطا المخطي ولو كان ماكان
شيخ لربعه والتقى فيه اشارات= مايذبح الهزله ليا جوه ضيفان
جته الشياخه غصب عن كل شمات= جاته ترفرف مثل طير بجنحان
مذحور عود مات والاسم مامات= الاسم باقي شايله طير حوران
العود مات ولا صدر منه شينات= عساه للجنه مع الحور الاعيان
وابن عنيبر له وصوف قليلات= الشيخ ابو عثمان للضد مزبان
راع التقى والدين راع المروات= شايب له التقدير من عرض شيبان
له وقفة(ن) مثل السيوف الرهيفات= في ماقفه دايم قوي ونشطان
مبداه عالي والمقاصد رفيعات= حكيم في رايه ولا فيه نقصان
وصلاة ربي عد فرض الصلاوات=على نبي بين الدين باركان