يالله يامنشي المزون الروايح= غر(ن) تناثر وبلها واسقت الدوح
ارزم رعدها مع بروق(ن) تكاشح= بامر الولي وامره مقرر على اللوح
شاقتني بيوت(ن) بها الند فايح= ريحة خنين العود من ندها يفوح
بيوت صايغها على صدر(ايح= والعجز كله ينتهي كله ب(اوح)
يابن هليل يامداوي الجرايح= عز الله انك جبت طب لمجروح
يشوفها من واق فوق المضايح= باين هدفها شافها كل مضيوح
البيض فالك يازبون السمايح= انا اشهد انك ذرب يامبعد الشوح
انا اشهد انك جدت نظم القرايح= ياجعل ميزان العمل دوم مرجوح
ماانته بزراع(ن) تعدل فلايح = شيخ(ن) ولد شيخ(ن) به الطيب ملموح
يفداك لاش(ن) من كروف الكلايح=يفداك من كنه على الصدر مزنوح
انت العريف اللي تقول الصرايح=من فيض شعرك قاري النص مشروح
شاعر غزير ولا تحب الممالح= شعرك سناه يبدد الليل بالضوح
هاضتني بيوت(ن) غزيره فصايح=من شاعر(ن) جمه غزير(ن)ونقروح
والمسعد اللي يتعظ بالنصايح= والخايب اللي غر مايقبل نصوح
اليوم بالدنيا وبكره صفايح= يبين ماتخفيه يالعبد بالبوح
والبعد عن شلة قليل الربايح=اللي عليها سهمته دوم مشفوح
وياللي تحبون السفر والمسارح=تذكروا رب الملا خالق الروح
جوزوا من دروب تجر النوايح= الالفسحه دربها فيه مصلوح
عليكم بصحبة رجال المشالح= اهل اللحى اللي دربها دوم مبروح
جوزوا من دروب الغزل والمصايح= لاتحسبنك لا تعديت مسموح
واعداد سيل(ن) مع مسيله تدايح= صلوا على اللي سنته درب مفسوح