ولى زمان الهم والغم ولى=غرد لنا طير السعد يوم حليت
قلبي وفكري والشعر فيك هلا=والنور شع بخاطري حين طليت
يا مرحبا يا من على الروح حلا=جدد حياتي بعد ما كنت مليت
ملك هجوسي والفؤاد إستحلا=أحيا شعوري بعد ما كان كالميت
أحس قلبي تله الشوق تلا=وده يطير يجيه ياليت ياليت
وده يشوف البدر يومه تجلا=أبهر عيوني بشرقته يوم لديت
سبحان من صوره كمل وحلا=لقيت فيه اللي لروحي تمنيت
حوى المحاسن والبس الحسن دلا=حير قصيدي بالحسن وأربك البيت
كل الخيال اللي من أول تخلا=وأمسيت كني لابستني عفاريت
ما فكر الا فيه ما عاد املا=طيفه يلاحقني ليا أصبحت وأمسيت
غالي وأنا بغليه مهما تغلا=يرخص له الغالي وأنا ما تغاليت
عسى العذارى فدوته غصب والا=يصبحن خدامه ليا حل بالبيت

نص رائع
كلمات معبره

قصيدة مليئة بالشجن
صور شعرية رائعة

مشاعر نبيله تكنها في داخلك
ارتوينا وانت تسكب بتألق





يا مرحبا يا من على الروح حـلا
جدد حياتي بعد مـا كنـت مليـت
ملك هجوسـي والفـؤاد إستحـلا
أحيا شعوري بعد ما كان كالميـت
أحس قلبـي تلـه الشـوق تـلا
وده يطير يجيـه ياليـت ياليـت




سموت عاليا عاليا استاذ بن هليل بهذا النص

صح لسانك للرضى

فتحية لسمو ذاتك وحرفك
دمت بأسعد اللحظات

صح بدنك ولا هنت


لك تحيتي

صح بدنك


سعدت بردك المميز


الله يعطيك العافية


لك تحيتي