بسـم الله اللـي يعلـم السـر والغيـب=خالـق مخاليقـه ومحصـي عـددهـا
بسمه بديـت القـاف والقـاف توجيـب=تحبـك هجوسـي مطلعـه لاعمـدهـا
للعرف صـرف ول/ ألتماثيـل ترتيـب=والاولـه تخبـر عـن اللـي بعـدهـا
وهـذا مـقـام ويعتـمـد فالاسالـيـب=ماكـل مــن دور لغـايـه وجـدهـا
لشعر فـي بـوح المشاعـر مطاليـب=والـلـي يوفيـهـا يبـيـن بصـددهـا
والصدق ساس .. ولاعن الصدق تجنيب=والبينـه خصيـمـة الـلـي جحـدهـا
والشعر وهبه مـن جزيـل المواهيـب=مايجلبـه شـف النـفـوس وجهـدهـا
خـلاه ربـي فـي صـدور المكاتيـب=وهـبـه وتعلـيـم الليـالـي سنـدهـا
والقـاف طرقـي والمسامـع معازيـب=يامـردد الكلمـه علـى مـن نقـدهـا
اما يجـي طرقـي ويلقـى التراحيـب=تفـرح بـه الاسمـاع لامـن قصدهـا
تنصت لـه ويلقـى الفكرفيـه ترغيـب=يطلـع علـى ذوق العقـول ورشدهـا
والا يمـر بحالـةٍ مـن رفـاء عـيـب=والعـرف فالامريـن اثمـاره حصدهـا
ويمكن يوصف قاف عـن قـو تركيـب=لـو مارهـل بيوتـه غشيـمٍ سـردهـا
الصـوت ياصـل والذوايـق معاطيـب=تشكـي مواجعهـا وترجـي زهـدهـا
لو انهـا تنشـاف شفنـا بهـا الشيـب=واللـي ورى مشيبهـا امـر وادهــا
وترسانه الموضـوع تلقـى محاسيـب=ومحاسـب الاذواق تـفـرع نكـدهـا
ولاهـوب دايـم يصفيـن المشـاريـب=وكـم صافيـه مـدل الدلـي ماجبدهـا
كـن الطـروق اعدودهنـه مناظـيـب=وكـن المعانـي مـا تناسـب جددهـا
وكـن الهواجـس مالهنـه سواهـيـب=وكن الفرايد مـا جـزت مـن فردهـا
وكـم واردٍ دلـوه جـبـد بالغثـاريـب=يبـا يـبـل الكـبـد وبـيـح ونـدهـا
والشمس تبـدي ميـر لا بدهـا تغيـب=هـذي لبيـب القلـب مـن يعتمـدهـا
وذيبٍ عدى ولا اللي ربظ عرف يا ذيب=والكلمـه اللـي مـا تصـح ابتعـدهـا
يمكن اصيب ويمكن امـرار مااصيـب=لكـن مـا باقـت هجوسـي عهـدهـا
الياحـضـرن يـزيـن دل الهنـاديـب=ويزيـن حـتـى للقـوافـي مـددهـا
ومنها تخصب فكـرة البيـت تخصيـب=لجـل المعانـي كـل بـيـتٍ يـردهـا
وقافٍ يمـد امـلاه بالعـرف ويجيـب=عن كـل حـرة صـدق عـده بردهـا
وانا احسب اني لا خذت كـل تشعيـب=اتـرك تماثيـلـي لـسـدي وحـدهـا
اتعيش فـي سـد الظلـوع المحاديـب=وتموت ما عـرى القلـم عـن جسدهـا
ليـن الهـزايـع جالهـنـه مقاظـيـب=على الصحيـح وشرهتـي فـي كبدهـا
لـو انهـا مشـواح الانظـار وتعيـب=دربٍ يبـيـن بــه وجـايـه بلـدهـا
وآخـذ مـع التفكيـر وجهـه وتقريـب=واقـدم واقــدم لـذوايـق شهـدهـا
وافتل بيـوت الشعـر فتـل الاشانيـب=واقول عن مـا فـات يالصـوت زدهـا
ويالصوت انا ماارفعك يالصوت تجريب=غارة هجوسـي لبيـض الوجـه قدهـا
بنـدر ولـد نايـف حصـان الاطاليـب=اللـي معـه دوم المـدايـح وعـدهـا
شيخٍ علي مدحه" حقـوق" و"مواجيـب"=وفيـه الفرايـد مـا "يصـح" اقتصدهـا
اطلع بها تاصل عـن الشـك والريـب=واليـا طلبوهـا لـلاعـادات عـدهـا
منت بعلـى علـمٍ يشـك ابـه وتهيـب=والا علـى حـال الهقـاوي وامـدهـا
كان المراجل مثـل حـرش العراقيـب=مـن فعـل بنـدر فوقهـا طـول يدهـا
وكان المراجل مثـل مرقـى المراقيـب=انـا اشهدنـه فـي زمانـه صعـدهـا
وقد قيل مابـه رهبـه بـدون ترهيـب=لو قلت لـك بـوح السحابـه رعدهـا
اقدم ببـوح اللـي توافـا علـى طيـب=اللـي ورى الاظـلاع محـدٍ نشـدهـا
مشاعـرٍ منهـا القـوافـي منـاديـب=ومن حولها الهوجـاس حبالـه عقدهـا
ومنهـا السـلام اول كرامـه وتشبيـب=مثـل المـزون اللـي يبرهـن بردهـا
وسلام يا ملفـى هـل الفطـر الشيـب=سـلام يـاشـف الـمـدوح ومهـدهـا
سـلام يانسـل الـحـرار المناجـيـب=يـا مـن بمدحـك غايتـي ماافتقـدهـا
يـوم المدايـح ماتـجـي بالاكـاذيـب=لابـد مـن فـعـلٍ يـقـوم عمـدهـا
وفعلك ينومس يبيض الوجـه وصعيـب=علـى اللـذي عزايـمـه مارصـدهـا
وشلون وانت اللـي خذلـت العذاريـب=يـوم انهـا لقيـت بغيـرك رغـدهـا
والنـاس مايـل طبعهـا ل/ الشواذيـب=والله يكافـي مـن النفـوس وحسدهـا
وان صار ميل الوقت عطب المظاريـب=وام الهزايـع كـل جـاهـل ولـدهـا
والصدق جاه اعصور عنـد الاجانيـب=انـا عـزومـي لجيـتـه محتشـدهـا
لاذاخـرٍ حيلـه ولااحـتـاج تـدريـب=ولاني تـرى اللـى ذمتـه مظطهدهـا
ولافاقـدٍ غايـه ولا اطلـب مكاسيـب=ولاغرنـي كحـل العيـون ورمـدهـا
يكفينـي انـي محتسـن كـل تعقـيـب=يـوم الـردود اعدادهـا مـن عتـدهـا
ويكفينـي انـي محتـزم للمواجـيـب=يـوم الفرايـد مـا يصـح اقتصـدهـا
ويكفيـك يابنـدر بعـيـد المحاظـيـب=ملـم شمـل اللـي زمنهـا اظطهدهـا
ولاني على علـم ٍ اشـك بـه واهيـب=ولاني علـى حـال الهقـاوي وامدهـا
كان المراجل مثـل حـرش العراقيـب=مـن فعـل بنـدر فوقهـا طـول يدهـا
وكان المراجل مثـل مرقـى المراقيـب=انـا اشهدانـه فـي زمانـه صعـدهـا
و"الصدق" "ساس" ولاعن الصدق "تجنيب"=و"البينـه" خصيمـة اللـي "جحـدهـا "